სალომე სამადაშვილი სუს-ის ჩანაწერებზე - უნდა განვიხილოთ სტრასბურტის სასამართლოში სარჩელით შესვლის საკითხი

2021-09-17 11:20:12, 666 ნახვა

პოლიტიკა

პარლამენტში ფრაქცია „ლელო-პარტნიორობა საქართველოსთვის“ წევრები სახალხო დამცველის მოადგილესთან, გიორგი ბურჯანაძესთან შეხვედრას მართავენ.

როგორც ფრაქციის ერთ-ერთმა წევრმა, სალომე სამადაშვილმა შეხვედრამდე განაცხადა, განხილული იქნება სუს-ის უკანონო ფარული თვალთვალისა და მიყურადების ფაქტების სტრასბურგის სასამართლოსთვის მიმართვის შესაძლებლობები.

როგორც ფრაქციის ერთ-ერთმა წევრმა, სალომე სამადაშვილმა განაცხადა, შეხვედრაზე განიხილავენ სუს-ის მიერ უკანონო ფარული თვალთალისა და მიყურადების ფაქტებს

„საჩივარი, ასობით მოქალაქის უკანონო მიყურადებაზე დიდი ხანია არის შესული და ეს საკითხი, ფაქტობრივად, შეიძლება ითქვას, რომ გაჩერდა საკონსტიტუციო სასასმართლოში და ვერანაირი წინსვლა ვერ ნახა. უნდა განვიხილოთ ყველა შესაძლებლობა, მათ შორის, სტრასბურგის სასამართლოში შესაბამისი სარჩელით შესვლის საკითხი და ამასთან დაკავშირებით გვექნება დღეს ჩვენ, ჩვენს იურისტებსა და სახალხო დამცველის წარმომადგენელს შესაბამისად კონსულტაციები, რომ გავარკვიოთ იურიდიული დეტალები, რა იქნება ყველაზე სწორი გამოსავალი საქართველოს მოქალაქეების ინტერესების დასაცავად ამ ვითარებაში“, - განაცხადა სალომე სამადაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან