ირაკლი ღარიბაშვილი ჟურნალისტებზე თავდასხმას გმობს და აცხადებს, რომ ყველა მოძალადე დაისჯება

2021-07-06 11:51:26, 904 ნახვა

პოლიტიკა

პრემიერ-მინისტრი ირაკლი ღარიბაშვილი გუშინ, 5 ივლისს ჰომოფობური ჯგუფების მიერ ჟურნალისტებზე თავდასხმის ფაქტებს გამოეხმაურა და მომხდარი ფაქტი საჯაროდ დაგმო.

როგორც ირაკლი ღარიბაშვილმა აღნიშნა, მოხდება ყველა მოძალადე პირის იდენტიფიცირება და ყველა, ვინც ჩაიდინა ძალადობა, იქნება დასჯილი.

„ჩემთვის არის ყოვლად მიუღებელი ის ძალადობა, რაც გუშინ ვიხილეთ და მინდა საჯაროდ, ეს ფაქტი დავგმო. მიუღებელია და კატეგორიულად მიუღებელია ის, რაც მოხდა გუშინ. თქვენზე, ჟურნალისტებზე ძალადობა მიუღებელია და არის დასაგმობი. პოლიცია მუშაობს ძალიან ეფექტურად, დილით დაკავებულია 3 პირი. მოხდება ყველა პირის იდენტიფიცირება და შესაბამისად ყველა პირი იქნება დასჯილი, ვინც ეს ძალადობა ჩაიდინა“, -განაცხადა ირაკლი ღარიბაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან