მახსოვს, წინა მოწვევის პარლამენტში, როგორ გამალებით იცავდით პრემიერ-მინისტრს და დღეს რას აკეთებთ? პოლიტიკურად მიწაში დებთ, - ასე მიმართა „ნაციონალური მოძრაობის" თავმჯდომარემ, ნიკა მელიამ პარლამენტის პლენარულ სხდომაზე სიტყვით გამოსვლისას საპარლამენტო უმრავლესობას.

როგორც ნიკა მელიამ აღნიშნა, გიორგი გახარია დღესაც პრემიერ-მინისტრი რომ ყოფილიყო, უმრავლესობა მას კვლავ ტაშს დაუკრავდა.

„ძალიან კარგად მახსოვს, წინა მოწვევის პარლამენტში, სანამ იმუნიტეტს შემიჩერებდით, როგორ გამალებით იცავდით პრემიერ-მინისტრს და ფიზიკურ დაპირისპირებასაც კი არ ერიდებოდით ჩემთან, ბატონი გახარიას გამო და მთელი აპოლოგია ჰქონდათ მიძღვნილი გახარიასადმი, სულ რამდენიმე კვირის წინ და დღეს, რას აკეთებთ?! უძღვნით ტასკვილებს, პოლიტიკურად მიწაში დებთ, აბრალებთ ყველაფერს, რასაც აბრალებთ ნებისმიერს, ვინც უბრალოდ აპროტესტებს თქვენს უმსგავსობას. დღესაც რომ ყოფილიყო პრემიერ-მინისტრი და იძულებული არ გამეხადა მე, რომ გადამდგარიყო, ნებისმიერი თქვენგანი ხმას ამოიღებდით?! კვლავ ტაშს დაუკრავდით ამ ადამიანს. ეს არის თქვენი რეალური პოლიტიკური სახე და როცა გიყურებთ, მრჩება შთაბეჭდილება, რომ თქვენი თავის არსებობის არ გჯერათ“, - განაცხადა ნიკა მელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო