ესე მთავრდება ხოლმე ზედმეტი ბაქი-ბუქი სამართლებრივი სახელმფიწოს პრინციპის შესაბამისად, - ასე ეხმაურება საპარლამენტო უმრავლესობის წევრი, ანრი ოხანაშვილი სასამართლოს გადაწყვეტილებას, „ნაციონალური მოძრაობის“ თავმჯდომარის, ნიკა მელიას გათავისუფლებასთან დაკავშირებით.

როგორც ანრი ოხანაშვილი აღნიშნავს, ევროკავშირმა გირაოს გადახდით, მიხეილ სააკაშვილს ხელიდან წაგლიჯა რუსული სცენარის განხორციელების შესაძლებლობა.

მანვე დასძინა, რომ ევროკავშირისთვის არანაირ ღირებულებას არ წარმოადგენს არც „ნაციონალური მოძრაობა და არც ნიკა მელია.

„ესე მთავრდება ხოლმე ზედმეტი ბაქი-ბუქი სამართლებრივი სახელმწიფოს პრინციპის შესაბამისად, როდესაც არავის მიეცემა შესაძლებლობა რომ კანონი დაარღვიოს, თუკი დაარღვევს, მისი აღსრულება ხდება, შემდგომ ვუყურებდით, რომ ბაქი-ბუქობდა, რომ ვერ დააკავებდნენ და დააკავეს, ამბობდა რომ გირაოს არ მიიღებდა და ევროკავშირმა სააკაშვილს ხელიდან წაგლიჯა რუსული სცენარის განხორციელების შესაძლებლობა და გადაიხადა გირაო, მოუწია ზედმეტი ბაქი-ბუქის გარეშე ასევე ამ გირაოს მიღება და შემდგომი ნაბიჯი იქნება, ამნისტიაზე იტყვის, რომ გავრცელდეს მასზე.

რაც არ უნდა სპეკულაციას ცდილობდნენ ეს ჯგუფები, საქმე გვაქვს შემდეგნაირად, ევროკავშირმა სააკაშვილს არ მისცა რუსული დესტაბილიზაციის სცენარის განხორციელების შესაძლებლობა, ვინაიდან გადაიხადა გირაო და ინსტრუმენტი, რომ მელიას საშუალებით სურდა სააკშვილს რუსული სცენარი განეხორციელებინა აღკვეთა. ეს არის მარტივი საკითხი. არანაირ ღირებულებას არ წარმოადგენს ევროკავშირისთვის არც „ნაციონალური მოძრაობა“ და არც ნიკა მელია“, - განაცხადა ანრი ოხანაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო