საპარლამენტო უმრავლესობის წევრი შალვა პაპუაშვილი აცხადებს, რომ კარგი იქნება, თუ გამკაცრებული კანონის პირობებში აქტივისტები „ხულიგნობას თავს დაანებებენ“.

როგორც შალვა პაპუაშვილი აღნიშნავს, ის, რაც დღეს ქუჩაში ხდება არ არის სამოქალაქო აქტივიზმი, ეს არის „ნაცმოძრაობისა“ და „ევროპული საქართველოს“ პარტიული აქტივი.

„მოვისმინე მე შეფასებები, თითქოს ეს ამ პოლიტიკურ აქტივს გარკვეულ თვითცენზურას შეუქმნის და ისინი, არ ვიცი, რისთვის თვითცენზურას, რომ ისინი არ ხულიგნობდნენ?! თუ ამას გულისხმობენ თვითცენზურაში და მსუსხავ ეფექტში, ძალიან კარგი თუ ამ თვითცენზურას შექმნის და ისინი ხულიგნობას თავს დაანებებენ. გამოსავალი არის ძალიან მარტივი, ხაზს ვუსვამ, განმეორების შემთხვევაში ხდება, ერთი წლის განმავლობაში თუ მოხდა განმეორება, რეციდივი თუ გვაქვს, ამ შემთხვევაში, მკაცრდება სანქცია. ყველაზე ადვილი გამოსავალი აქედან არის, ხულიგნობას თავი დაანებონ. ჩვენ რასაც ვხეავთ ქუჩაში ეს არ არის სამოქალაქო აქტივიზმი, ეს არის პოლიტიკური პარტიის აქტივი, რომელსაც ჩვენ კარვებში, აქციებზე ვხედავთ. ეს არის „ნაცმოძრაობის“ და „ევროპული საქართველოს“ აქტივი“, - განაცხადა შალვა პაპუაშვილმა.

ცნობისთვის, დღეს საქართველოს პარლამენტმა პირველი მოსმენით დაუჭირა მხარი კანონპროექტს, რომლის მიხედვითაც წვრილმანი ხულიგნობის ჩადენისა და სამართალდამცავი პირების მოთხოვნისადმი დაუმორჩილებლობაზე ადმინისტრაციული პასუხისმგებლობა მკაცრდება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო