ყველაზე მძიმე დანაშაული, რომლის პატიება ხდება ამნისტიით, არის ნიკა მელიას მიერ სავარაუდოდ ჩადენილი დანაშაული, - ამის შესახებ საპარლამენტო უმრავლესობის წევრმა, შალვა პაპუაშვილმა ჟურნალისტებთან განაცხადა.

როგორც მან აღნიშნა, ამნისტია გულისხმობს პატიებას, დავიწყებას.

„ყველაზე მძიმე დანაშაული, რომლის პატიება ხდება ამნისტიით, არის ნიკა მელიას მიერ სავარაუდოდ ჩადენილი დანაშაული. შესაბამისად, თუკი ამას ვპატიობთ, მაშინ სხვა მასზე უფრო ქვემოთ, ან მისი მსგავსი დანაშაულებიც ხომ უნდა ვაპატიოთ. მთავარი არის ის, თუ სად არის სიმართლე. უნდა შევთანხმდეთ საკითხზე, გვინდა თუ არა ამნისტიით გადავშალოთ ეს გვერდი უახლოესი წარსულით. თუკი შევთანხმდებით და ვიტყვით, რომ კი, გვინდა, მაშინ ჩვენი კანონპროექტია მისაღები. თუკი ვიტყვით, რომ არა - ჩვენ გვინდა, რომ ვიღაცეებს ვაპატიოთ. ეს ამნისტია მხოლოდ იმისთვის არის, რომ ნიკა მელია გამოვიდეს ციხიდან, მაგრამ ჩვენ გვინდა სამომავლოდაც წამოვაძახოთ ერთმანეთს ის სხვადასხვა ეპითეტები, რომლებიც უკვე ორი წელია გვესმის“, - განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო