2021-04-15 13:30:46, 634 ნახვა

---

მიხეილ სარჯველაძე - კომპრომისებისთვის მზად ვართ, თუმცა ეს არ ნიშნავს, რომ დავთანხმდებით ოპოზიციის ყველა მოთხოვნას

პარლამენტის ადამიანის უფლებათა კომიტეტის თავმჯდომარე, მიხეილ სარჯველაძე აცხადებს, რომ ხელისუფლება კომპრომისებისთვის მზად არის.

როგორც მიხეილ სარჯველაძემ აღნიშნა, კომპრომისი არ ნიშნავს, რომ ხელისუფლება დათანხმდება ყველა მოთხოვნას, რომელიც აქვს ოპოზიციას.

„კომპრომისებისთვის ხელისუფლება ნამდვილად მზად არის და ეს არ არის პირველი განცხადება ამასთან დაკავშირებით, უნდა ვთქვათ, რომ ყოველ მომდევნო ჯერზე, როდესაც გაცხადდება რაღაც დათმობა და შემდგომ კომპრომისული ვარიანტების თაობაზე საუბრისას მოლოდინი, რომ მარტო ხელისუფლებამ უნდა გადადგას ეს ნაბიჯები, რა საკვირველია, არასწორია. არის კონკრეტული საკითხები, რომელთან დაკავშირებითაც გვაქვს პრაქტიკულად, პრაქტიკულად ყველაფერთან დაკავშირებით კომპრომისული გადაწყვეტილებები, თუმცა ეს არ ნიშნავს, რომ დავთანხმდებით ყველა მოთხოვნას, რომელიც აქვს ოპოზიციას“, - განაცხადა მიხეილ სარჯველაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი