არავინ არ აპირებს ივანიშვილთან პოლიტიკური ტყვეებით ვაჭრობას, - ამის შესახებ „ნაციონალური მოძრაობის“ ლიდერმა, ზაალ უდუმაშვილმა პარტიის ოფისში გამართულ ბრიფინგზე განაცხადა.

მისი თქმით, ხელისუფლების ამოცანაა, ნიკა მელია იყოს განეიტრალებული, შემდგომ კი, პოლიტიკური პატიმრები ოპოზიციასთან და დასავლელ პარტნიორებთან სავაჭროდ გამოიყენოს.

„უკვე ორი თვეა ნიკა მელია წინასწარ პატიმრობაში იმყოფება. თითქმის 2 წელია უკვე ეს საქმე მიმდინარეობს, მაგრამ არც ერთი სასამართლო სხდომა დღემდე არ გამართულა. ამაზე პასუხი მარტივია - ხელისუფლებას არ სურს ამ საქმის ბოლომდე მიყვანა. მისი მთავარი ამოცანა არის ნიკა მელია იყოს განეიტრალებული, შემდგომ კი, უკვე პოლიტიკური პატიმრები გამოიყენოს როგორც ოპოზიციასთან, ასევე ჩვენს დასავლელ პარტნიორებთან სავაჭროდ, მაგრამ არავინ არ აპირებს ივანიშვილთან პოლიტიკური ტყვეებით ვაჭრობას. ნიკა მელია და გიორგი რურუა უპირობოდ უნდა გადავისუფლდნენ საპატიმროებიდან და ეს არის დღეს ერთადერთი გამოსავალი“, - განაცხადა ზაალ უდუმაშვილმა.

ცნობისთვის, „ნაციონალური მოძრაობის“ თავმჯდომარე, ნიკა მელია სასამართლომ პატიმრობაში  დატოვა.

ავტორი: ექსპრესნიუსი,

სოციალური ქსელები

რუსეთის ერთ-ერთმა უმსხვილესმა სატრანსპორტო კომპანიამ შავი ზღვის გავლით ტვირთების გადაზიდვაზე უარი თქვა

ივანიშვილის მთავრობამ განსაზღვრა ვინ მიიღებს უფასოდ სასკოლო ფორმას

საქართველოს ბანკის მობილბანკში ჩატბოტთან ხმოვანი შეტყობინების გაგზავნაა შესაძლებელი

საქართველოს ბანკის "მცირე ბიზნესის ჯაჭვში" უკვე 30 ბიზნესი ჩაერთო