საიდუმლო არ არის, რომ ბატონი დანიელსონის პირველი ვიზიტის შედეგი ძალიან გამაწბილებელი იყო, - ასე აფასებს ევროკავშირის ელჩი საქართველოში, კარლ ჰარცელი ევროპული საბჭოს პრეზიდენტის პირადი წარმომადგენლის, კრისტიან დანიელსონის ვიზიტს საქართველოში.

როგორც მან აღნიშნა, დანიელსონის მორიგი ვიზიტისას მთავარია, ყველა პოლიტიკურმა ლიდერმა გამოიჩინოს ნება, რათა შეთანხმება მიღწეულ იქნას.

„საიდუმლო არ არის, რომ ძალიან გამაწბილებელი იყო ბატონი დანიელსონის პირველი ვიზიტის შედეგი იმ გაგებით, რომ მედიაცია შედეგის გარეშე დასრულდა. ახლა ის კიდევ ერთხელ ჩამოდის საქართველოში. მთავარია, ყველა პოლიტიკურმა ლიდერმა გამოიჩინოს ნება, რომ შეთანხმება მიღწეულ იქნას. ეს არ იქნება იოლი, მაგრამ მისია ეს არის. ახლა არის მომენტი, რომ პოლიტიკური ლიდერობა გამოავლინოს ყველა მონაწილემ“, - განაცხადა კარლ ჰარცელმა.

შეგახსენებთ, რომ შარლ მიშელის პირადი წარმომადგენელი, კრისტიან დანიელსონი საქართველოში მიმდინარე კვირის განმავლობაში დაბრუნდება და პოლიტიკურ მხარეებთან ფასილიტაციას კვლავ გააგრძელებს.

ავტორი: ექსპრესნიუსი,

სოციალური ქსელები

რუსეთის ერთ-ერთმა უმსხვილესმა სატრანსპორტო კომპანიამ შავი ზღვის გავლით ტვირთების გადაზიდვაზე უარი თქვა

ივანიშვილის მთავრობამ განსაზღვრა ვინ მიიღებს უფასოდ სასკოლო ფორმას

საქართველოს ბანკის მობილბანკში ჩატბოტთან ხმოვანი შეტყობინების გაგზავნაა შესაძლებელი

საქართველოს ბანკის "მცირე ბიზნესის ჯაჭვში" უკვე 30 ბიზნესი ჩაერთო