გუშინდელ შეხვედრაზე დავაფიქსირე, რომ ჩვენი პრინციპული პოზიცია ვადამდელ არჩევნებთან დაკავშირებით უცვლელია, - ამის შესახებ პრემიერ-მინისტრმა ირაკლი ღარიბაშვილმა საპატრიარქოში, ილია მეორესთან შეხვედრის დასრულების შემდეგ, ჟურნალისტებს განუცხადა.

მისივე თქმით, ოპოზიციამ გუშინდელ შეხვედრზე დააყენა ნიკა მელიას გამოშვების საკითხი, რაზეც მან განაცხადა, რომ კანონის აღსრულებაში ვერ ჩაერევა.

მანვე დასძინა, რომ ნიკა მელიას ოჯახს აქვს სრული შესაძლებლობა ნებისმიერ დროს, დღეს გადაიხადოს მოთხოვნილი გირაო.

„საკითხები, რომელიც იქნა განხილული, არის ის რომელიც ზოგადად მუსირებს და არი განხილვის საგანი ოპოზიციური პარტიების მხრიდან. ჩვენი პოზიცია მე მკაფიოდ დავაფიქსირე. პირველი, საკითხი შეეხებოდა ბატონი მელიას გამოშვებას, ჩემი პოზიცია იყო ის, რომ, რა თქმა უნდა, ჩვენ არ და ვერ ჩავერევით კანონის აღსრულებაში. ბატონ მელიას და მის ოჯახს, აქვთ სრული შესაძლებლობა, რომ ნებისმიერ დროს, ნებისმიერ დღეს გადაიხადონ მოთხოვნილი გირაო და თუ მათ ინტერესებში შედის მელიას გამოყვანა, იყოს გამოყვანილი ციხიდა. მეორე საკითხი შეეხებოდა სრულ მზაობას საარჩევნო რეფორმის, ამაზე ჩვენ დავიწყეთ კონკრეტული ნაბიჯების გადადგმა და გადავდგით, ეს მოიცავს ვრცელ კომპლექსურ საკითხებს, რომ გავაუმჯობესოთ საარჩევნო რეფორმა. ჩვენი პრინციპული პოზიცია ვადამდელ არჩევნებთან დაკავშირებით არის უცვლელი, ეს არის წითელი ხაზი, საკითხი, რომელიც არ განიხილება და ეს გუშინდელ შეხვედრაზე დავაფიქსირე, რომ არავითარი ლეგიტიმური საფუძველი ვადამდელი არჩევნების მოთხოვნის, არ არის ქვეყანაში“, - განაცხადა ირაკლი ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ბათუმში ავარიის შედეგად 2 ადამიანი დაშავდა

ენმ-ში ყრილობა დასრულდა, შეიქმნა დროებითი მმართველობის საბჭოს ორგანო, ფავლენიშვილის ხელმძღვანელობით

მიქანაძე : მშობელი თუ არ ჩააცმევს ბავშვს ფორმას, იქნება კონკრეტული მექანიზმები, რაც შეიძლება ამოქმედდეს

მოიპოვე საქართველოს ბანკის სტიპენდია CHEVENING-ის პროგრამაში - განაცხადების მიღება დაიწყო