„ევროპული საბჭოს პრეზიდენტის ჩამოსვლა ნიშნავს, რომ ევროკავშირი არსად წასულა“, - ამის შესახებ პრეზიდენტმა სალომე ზურაბიშვილმა განაცხადა.

მისი თქმით, დღეს როგორც არასდროს ევროკავშირისთვის მნიშვნელოვანია, საქართველომ თავისი ევროპული და დემოკრატიული გზა გააგრძელოს.

„დღეს პრეზიდენტის ჩამოსვლა ნიშნავს იმას, რომ ევროკავშირი არსად წასულა და დღეს როგორც არასდროს ევროკავშირისთვის მნიშვნელოვანია რომ საქართველომ თავისი ევროპული და დემოკრატიული გზა გააგრძელოს და არაფერმა შეუშალოს ხელი.

ევროკავშირს ჩვენგან მეტი სტაბილურობა სჭირდება. მეტი დემოკრატია და მეტი ეკონომიკური განვითარება. ჩვენ დეტალურად ვისაუბრეთ პოლიტიკურ ვითარებაზე. შევთანხმდით რომ ამ ქვეყანას როგორც არასოდეს შიდა სტაბილურობა და შერიგება სჭირდება. ეს არის ჩვენი ერთადერთი გზა იმისთვის, რომ საქართველომ მიიღოს ყველა ის დივიდენდი, რაც მოდის ევროკავშირის გზაზე. ჩვენ უნდა შევძლოთ და დროზე უნდა მივხვდეთ, რომ ეს ყველაფერი ჩვენს ხელშია, ჩვენს საზოგადოებას ეს უნდა და სხვა არაფერი“, - განაცხადა ზურაბიშვილმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო