ვლადიმერ პუტინს საქართველოსთან პირდაპირი ავიამიმოსვლის აღდგენის თხოვნით მიმართეს

2021-02-25 17:13:31, 791 ნახვა

პოლიტიკა

რუსეთ-საქართველოს ურთიერთობების განვითარების ფონდის ხელმძღვანელმა და „რუსეთში ქართული ეროვნულ-კულტურული ავტონომიის“ ვიცე-პრეზიდენტმა, დავით ცეცხლაძემ, რუსეთის პრეზიდენტ ვლადიმერ პუტინს საქართველოსთან პირდაპირი საჰაერო მიმოსვლის აღდგენის თხოვნით, წერილი გაუგზავნა.

აღნიშნულ ინფორმაციას „რუსეთში ქართული ეროვნულ-კულტურული ავტონომიის“ ვებ-გვერდზეა განთავსებული.

„დღეს, რუსეთის ფედერაციის კორონავირუსთან ბრძოლის წარმატებული შედეგების გათვალისწინებით, უფრო და უფრო მეტი ქვეყანა ხსნის საზღვრებს რუსეთის მოქალაქეებისთვის, მათ შორისაა საქართველო, რომელიც 2021 წლის 1-ელი მარტიდან მზად არის რუსეთის მოქალაქეების მისაღებად, იმ შემთხვევაში, თუ მათი PCR ტესტი კორონავირუსზე უარყოფითი იქნება.

გთხოვთ, რომ გადახედოთ ჩვენს ქვეყნებს შორის პირდაპირი ფრენების განახლების შესაძლებლობას“, - აღნიშნულია დავით ცეცხლაძის წერილში.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან