მამუკა მდინარაძის განცხადებით, სენატორები რიში და შაჰინი ყოველთვის დანაშაულში მხილებულ პოლიტიკოსებს იცავენ

2021-02-24 15:46:02, 651 ნახვა

პოლიტიკა

„ქართული ოცნების“ აღმასრულებელი მდივანი მამუკა მდინარაძის განცხადებით, სენატორებისა და კონგრესმენების პოზიციები ნიკა მელიას დაკავებასთან დაკავშირებით ერთმანეთს არ ემთხვევა.

როგორც მდინარაძე ამბობს, გასაკვირია კონგრესმენ ადამ კინზინგერის პოზიცია მაშინ, როცა მისი დამოკიდებულება, როდესაც საქმე თავის ქვეყანას ეხებოდა, აბსოლუტურად განსხვავებული იყო.

„ბატონი რიში და შაჰინი ორივე 2012 წლიდან ანალოგიურ პოზიციას იჭერენ. სხვა პოლიტიკოსები, რომლებიც იყვნენ კონკრეტულ დანაშაულში მხილებულები და შემდეგ ბრალდებულები და ბოლოს მსჯავრდებულები, მათი მხრიდან იყვნენ ასეთივე დაცვის ობიექტები. რაც შეეხება კინზინგერს, აქაც შეიძლება თავისუფლად ვთქვათ, რომ ჩვენი და მისი პოზიცია არ ემთხვევა ერთმანეთს. გასაკვირია ის ფაქტი, როდესაც მისი პოზიცია აბსოლუტურად განსხვავებული იყო თავის ქვეყანაში“, - განაცხადა მამუკა მდინარაძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან