„ევროპული საქართველოს“ ერთ-ერთი ლიდერის, გიგა ბოკერიას განცხადებით, „ნაციონალური მოძრაობის“ თავმჯდომარეს, ნიკა მელიას მისთვის დაკისრებული გირაოს თანხის გადახდა არ ეკუთვნის.

როგორც ბოკერიამ პარტიის ოფისში გამართულ ბრიფინგზე აღნიშნა, ნიკა მელიას საქმე თავიდან ბოლომდე შეკერილია.

„არ ეკუთვნის მას გირაოს გადახდა. გირაო გამოიყენება მაშინ, როდესაც რაიმე რისკი არსებობს რომ ადამიანი შეიძლება მიიმალოს ან ხელი შეუშალოს რაიმე ლეგიტიმურ პროცედურას. ეს ამბავი თავიდან ბოლომდე შეკერილი და მოგონილია.

ნიკა მელიასთან მიმართებაში ერთი კი არა უამრავი კანონია დარღვეული ხელისუფლების მხრიდან. ეს არის მთლიანად პოლიტიკური, მანიპულირებული ფაქტებით შეკერილი სამარცხვინო საქმე, რომლის ამოცანა არის ყველაზე მსხვილი ოპოზიციური პარტიის ლიდერზე წნეხი, ან მისი განეიტრალება და ზოგადად ყველას დაშინება“, - განაცხადა გიგა ბოკერიამ.

შეგახსენებთ, რომ „ნაციონალური მოძრაობის“ თავმჯდომარეს, ნიკა მელიას დაკისრებული გირაოს თანხის გადახდის ვადა დღეს ეწურება.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ