დეპუტატის ადგილი პარლამენტშია, ვისაც არ ესმის ეს პასუხისმგებლობა, ხელი მაინც არ უნდა შეუშალოს სხვას, - ამის შესახებ პრემიერ-მინისტრმა გიორგი გახარიამ ჟურნალისტებთან საუბრისას განაცხადა.

როგორც პრემიერმა აღნიშნა, ოპოზიციასა და მმართველ გუნდს შორის მანდატების გარდა, დიალოგის საგანი არის უამრავი სხვა კონკრეტული პრობლემა, რომელიც აწუხებს თითოეულ მოქალაქეს.

„დღეს ოპოზიციასა და მმართველ გუნდს შორის მანდატების გარდა დიალოგის საგანი არის უამრავი, ის კონკრეტული პრობლემებიც, რომლებიც აღელვებს თითოეულ ჩვენს მოქალაქეს. დღეს საქართველოს მოქალაქეებს აქვთ ყოველდღიური პრობლემები, მათ უჭირთ ოჯახის რჩენა, მათ ჯანმრთელობას აქვს უამრავი რისკი პანდემიიდან გამომდინარე. დღეს, საქართველოს მოქალაქემ თავისი მანდატის ფარგლებში თქვა, რომ დეპუტატის ადგილი არის პარლამენტში და თითოეული დეპუტატის მანდატი, რომელიც მოქალაქემ განუსაზღვრა თქვა, რომ პარლამენტშია თქვენი ადგილი, იქ იზრუნეთ ჩემზე, იქ მომიგვარეთ ეს პრობლემები, რომელიც მაქვს. ზოგს ესმის ეს პასუხისმგებლობა, ვიღაცას არ ესმის, ვისაც ესმის ის შრომოს პარლამენტში, ვისაც არ ესმის, იმან ხელი მაინც არ უნდა შეუშალოს იმას, ვისაც ესმის. დეპუტატის ადგილი არის პარლამენტში“, - განაცხადა გიორგი გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ