შინაგან საქმეთა მინისტრი, ვახტანგ გომელაური პარლამენტის ნდობის ჯგუფის სხდომას დაესწრო.

შეხვედრაზე ვახტანგ გომელაურმა დეპუტატებთან საქართველოს შინაგან საქმეთა სამინისტროში 2020 წელს განხორციელებულ და სამომავლოდ დაგეგმილ, ასევე, სახელმწიფო საიდუმლოებასა და პროგრამებთან დაკავშირებულ საკითხებზე ისაუბრა.

შინაგან საქმეთა მინისტრმა ნდობის ჯგუფის წევრებთან ერთად განიხილა: საოკუპაციო ხაზთან არსებული მდგომარეობა, სახელმწიფო საზღვრის დაცვის მიმართულებით ვითარება და დეპუტატებთან არსებულ გამოწვევებზე ისაუბრა.

ვახტანგ გომელაურმა ნდობის ჯგუფის წევრებთან ასევე განიხილა საზღვრის დემარკაციისა და დელიმიტაციის საკითხები, ნატოსთან თანამშრომლობის გაღრმავებისთვის შინაგან საქმეთა სამინისტროს მხრიდან გადადგმული ნაბიჯები და დაგეგმილი პროექტები, სტრატეგიული მილსადენების დაცვის და ორგანიზებულ დანაშაულთან ბრძოლის საკითხები.

შინაგან საქმეთა მინისტრმა ნდობის ჯგუფის სხდომაზე საიდუმლო სახელმწიფო შესყიდვებთან დაკავშირებით ისაუბრა.

შეხვედრა მედიისთვის დახურული იყო. შეხვედრის დასრულების შემდეგ, ვახტანგ გომელაურმა მედიასთან ისაუბრა.

„ნდობის ჯგუფში გავაკეთეთ მოხსენება, შინაგან საქმეთა სამინისტრომ. იყო რამდენიმე მნიშვნელოვანი ძირითადი თემა, ერთ-ერთი იყო სასაზღვრო პოლიცია.

ვისაუბრეთ, თუ რა გაკეთდა, რას ვგეგმავთ მომავალში, რა პრობლემები გვაქვს, რის გამოსწორებაა საჭირო, რაზეც ვმუშაობთ. იყო, რა თქმა უნდა, ორგანიზებული დანაშაულის წინააღმდეგ ბრძოლის თემა - რა იყო 2020 წელს, რა გავაკეთეთ, რა აღვკვეთეთ.

ასევე, ერთ-ერთი მნიშვნელოვანი თემა იყო სტრატეგიული მილსადენების დაცვის უსაფრთხოება, რაც არის ძალიან მნიშვნელოვანი, შინაგან საქმეთა სამინისტრო ახორციელებს ამას და ამაზეც ვისაუბრეთ. საუბარი იყო საიდუმლო შესყიდვების საკითხზე, რაც გვაქვს, მცირე გვაქვს ძალიან შინაგან საქმეთა სამინისტროს, თუმცა ესეც წარვადგინეთ, თუ რაში გამოვიყენეთ ეს თანხები“, - განაცხადა ვახტანგ გომელაურმა.

ავტორი: NS (სტატია დაფინანსებულია),

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ