არჩილ თალაკვაძე - პარლამენტი არ არის ადგილი, სადაც წყდება საკითხი, ვინ უნდა იყოს პატიმრობაში და ვინ არა

2021-01-22 14:13:29, 781 ნახვა

პოლიტიკა

პარლამენტის თავმჯდომარემ, არჩილ თალაკვაძემ განაცხადა, რომ პარლამენტი არ არის ადგილი, სადაც წყდება საკითხი, ვინ უნდა იყოს პატიმრობაში და ვინ არა.

მისივე თქმით, მოლაპარაკებებზე პატიმრების საკითხი განხილვის საგანი ვერ იქნება.

„პარლამენტი არ არის ადგილი, სადაც ვინ უნდა იყოს პატიმრობაში, წყდება. ეს არის მართლმსაჯულების საკითხი. ჩვენ გუშინ ვნახეთ ძალიან სერიოზული ახალი მტკიცებულებები რომელიც კიდევ უფრო სერიოზულ წონას აძლევს იმ კითხვებს, რაც საზოგადოებაში არსებობს. დავით გარეჯის თემა არის ეროვნული მნიშვნელობის საკითხი, შესაბამისად, აქ ობიექტური, მიუკერძოებელი პასუხები უნდა გაეცეს კითხვებით და ამ კითხვებს პასუხი უნდა გასცეს გამოძიება. ვერც ერთი პოლიტიკოსი, მათ შორის ვერც უმრავლესობის ვერ მისცემს თავს უფლებას, რომ ამ საქმეზე რაიმე გადაწყვეტილება მიიღოს. შესაბამისად, ჩვენი მხრიდან მოლაპარაკებებში ეს საკითხი არ განიხილება“, - განაცხადა თალაკვაძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან