2021-01-15 11:06:51, 546 ნახვა

---

პრემიერი - ვაქცინაციაზე აბსურდული ჭორები ისმის, საქართველოში შემოვა ხარისხიანი და ავტორიზებული ვაქცინა

პრემიერ-მინისტრ გიორგი გახარიას განცხადებით, საქართველოში ვაქცინის შემოტანასთან დაკავშირებით ისმის ბევრი აბსურდული ჭორი.

როგორც გიორგი გახარიამ მთავრობის სხდომაზე აღნიშნა, ქვეყანაში შემოვა ხარისხიანი და ავტორიზებული ვაქცინა.

„ვაქცინაციასთან ბევრი აბსურდული ჭორები და აზრები ისმის, ვერც ვხვდები საიდან ეს ინფორმაცია, დღეს უნდა გვესმოდეს, რომ არის შექმნილი სპეციალური კომისია და ეს კომისია ისახავს მიზნად რამდენიმე ამოცანას, მოაგვაროს ყველა ლოგისტიკური საკითხი, ასევე მოამზადოს ყველაფერი, რომ ქვეყანა იყოს მზად დაიწყოს ვაქცინაცია, მეორე ეს არის წინასწარ განისაზღვროს ჯგუფები, რომლებიც პრიორიტეტულად უნდა აიცრან და რაც შეიძლება სწრაფად მოხდეს ხარისხიანი და ავტორიზებული ვაქცინის შემოტანა, არა მხოლოდ „კოვაქს პლატფორმით“, არამედ სხვა საშუალებებითაც“, - განაცხადა გიორგი გახარიამ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი