ევროპული საქართველოს ერთ-ერთი ლიდერი, გიგა ბოკერია, ირაკლი კობახიძის განცხადებას ეხმაურება ISFED - თან დაკავშირებით.

ბოკერიას თქმით, ირაკლი კობახიძის განცხადება დამახასითებელია ამ ტიპის ავტორიტარული რეჟიმებისათვის, როდესაც ცდილობ, რომ ყველანაირი სიტუაცია გამოიყენო სამოქალაქო საზოგადოების დისკრედიტაციისათვის.

ბოკერიამ აღნიშნა, რომ ხელისუფლების წარმომადგენლების ამგვარი რეაქცია მეტყველებს, თუ რა ტიპის რეჟიმთანაა საქმე, როდესაც ხელისუფლებას ამგვარი შეცდომის გამოყენება სურს მისთვის არასასურველი დამოუკიდებელი ორგანიზაციის განადგურებისათვის.

„ეს არის დამახასიათებელი ყველა ამ ტიპის ავტორიტარული რეჟიმისათვის, რომ ყველა ვითარების გამოყენებას ცდილობ სამოქალაქო საზოგადოების დისკრედიტაციისათვის, მათ შორის ისეთი მნიშვნელოვანი ორგანიზაციის, როგორიც სამართლიანი არჩევნებია.

როგორი შეცდომაც არ უნდა მოსვლოდათ, ეს რეაქცია თვითონ მეტყველებს, თუ რა ტიპის რეჟიმთან გვაქვს საქმე. ერთია შეცდომა დე მეორეა, როცა არის ხელისუფლება, რომელსაც ამ შეცდომის გამოყენება უნდა რეალურად მისთვის არასასურველი დამოუკიდებელი ორგანიზაციის განადგურებისათვის.“ - განაცხადა ბოკერიამ.

ავტორი: ექსპრესნიუსი,

სოციალური ქსელები

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება

"შემოსვლა მომგებიანია" - საქართველოს ბანკის გათამაშება ინდმეწარმეებისთვის დაიწყო