თიანეთის მერის, თამაზ მეჭიაურის მძღოლი, რომელმაც გუშინ მასზე განხორციელებული ზეწოლის შემდეგ თვითმკვლელობა სცადა, კვლავ კომატოზურ მდგომარეობაშია.

აღნიშნულის შესახებ 23 წლის გიორგი ხუმარაშვილის ექიმმა ისაუბრა.

 „გართულებებს ღამის განმავლობაში ადგილი არ ჰქონია. ისევ მძიმე მდგომარეობაში რჩება პაციენტი. ოპერაციულ ჩარევაზე ჯერ საუბარი არ არის. იმყოფება კომატოზურ მდგომარეობაში. არის თავის ტვინის ჰიპოქსიური დაზიანება, ველოდებით ნერვოლოგიურ შედეგებს“, - განაცხადა ექიმმა.

ცნობისთვის, ოჯახის განცხადებით, 23 წლის ბიჭზე „ქართული ოცნების“ წარმომადგენლები ზეწოლას ახდენდნენ, რათა ხელისუფლებისთვის თიანეთის მერის, თამაზ მეჭიაურის შესახებ კონფიდენციალური ინფორმაცია მიეწოდებინა. მათი თქმით, მეჭიაურის მძღოლს კონფიდენციალური ინფორმაციის მიწოდებას შალვა კერესელიძე და ზურაბ ბექაური აიძულებდნენ. 23 წლის გიორგი ხუმარაშვილმა გუშინ თვითმკვლელობა სცადა.

შინაგან საქმეთა სამინისტრომ თიანეთის მუნიციპალიტეტში მომხდარ თვითმკვლელობის მცდელობამდე მიყვანის ფაქტზე გამოძიება სისხლის სამართლის კოდექსის 115-ე მუხლის პირველი ნაწილით დაიწყო.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი პუტინს ფრონტის ხაზზე მოქმედების შეჩერებას და საჰაერო ზავის შეთანხმების გაფორმებას სთავაზობს

კობახიძემ წინა ადმინისტრაციის დროს აშშ-ის საელჩო საქართველოში სიძულვილის გაღვივებაში დაადანაშაულა

საფეხბურთო კლუბი იბერია სავიზო პრობლემების გამო ჩრდილოეთ ირლანდიაში გამგზავრებას ვერ ახერხებს

ინფანტინო ტრამპის ადმინისტრაციას FIFA-ს პრეზიდენტობის შენარჩუნებაში დახმარებას სთხოვს