„ახალგაზრდა იურისტთა ასოციაცია“ ელექტრონული კომუნიკაციების კანონპროექტის დაჩქარებული წესით განხილვის შეჩერების თაობაზე პარლამენტს მიმართავს.

როგორც ორგანიზაციაში აცხადებენ, აღნიშნული კანონპროექტი კონსტიტუციას ეწინააღმდეგება.

„სპეციალური მმართველის დანიშვნა ელექტრონული კომუნიკაციების სფეროში ავტორიზებულ პირებთან მაინც იძლევა იმის საშუალებას, რომ მედიის საქმიანობაში ჩარევა მოხდეს როგორც პირდაპირი, ასევე არაპირდაპირი ბერკეტების მეშვეობით. ჩვენ აქ ვგულისხმობთ იმას, რომ მაუწყებლების დიდი ნაწილი მაუწყებლობას თავისი მულტიპლექსებით ახორციელებს და ისინიც წარმოადგენენ სწორედ ელექტრონულ სფეროში ავტორიზებულ პირებს. მათთან პირდაპირ შეეძლება კომუნიკაციების ეროვნულ კომისიას რომ დანიშნოს სპეციალური მმართველი და მიიღოს ნებისმიერი მმართველობითი გადაწყვეტილება, მათ შორის სარედაქციო საკითხებთან დაკავშირებული გადაწყვეტილება, რაც საკონსტიტუციო სასამართლოს დადგენილ პრაქტიკას და სტანდარტს პირდაპირ ეწინააღმდეგება. ჩვენ ვფიქრობთ, რომ ეს ორი კანონი ძალიან მჭიდროდ არის დაკავშირებული ერთმანეთთან და სწორედაც ემსახურება იმას, რომ როდესაც კომისია  გაავრცელებს სპეციალური მმართველის რეგულაციებს სწორედ მაუწყებლებზე, ამ გადაწყვეტილების აღსრულებას მოემსახურება ეს შესაბამისი ნორმა, რაც ასევე ვფიქრობთ, კონსტიტუციასთან წინააღმდეგობაშია“, - აცხადებენ საია-ში.

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო