უკვე ვმუშაობთ საზოგადოებრივი ტრანსპორტის რეგულაციებზე და მომდევნო კვირაში გარკვეული სტანდარტები გვექნება, - ამის შესახებ ჯანდაცვის მინისტრმა ეკატერინე ტიკარაძემ მთავრობის ადმინისტრაციაში გამართულ ბრიფინგზე განაცხადა.

მისი თქმით, მნიშვნელოვანია დეტალური მუშაობის ჩატარება, რათა საგანგებო მდგომარეობის დაწესება კვლავ აუცილებელი არ გახდეს.

„ჩვენ ვმუშაობთ საზოგადოებრივი ტრანსპორტის რეგულაციებზეც. შემდეგ კვირაში ჩვენ გვექნება გარკვეული სტანდარტები, თუმცა უნდა აღვნიშნოთ, რომ ამ შემთხვევაში ჩვენ მნიშვნელოვნად ვითვალისწინებთ იმას, რომ რთული იქნება სოციალური დისტანცირების დაცვა და აქედან გამომდინარე, მნიშვნელოვანია ძალიან დეტალური მუშაობის ჩატარება იმისათვის, რომ შემდგომში არ შეიქმნას ის გარკვეული რისკები, რის შედეგადაც შეიძლება მთავრობა გახდეს ისევ იძულებული, რომ დააწესოს საგანგებო მდგომარეობა და ჩვენ დავბრუნდეთ ისევ იმ სტატუსზე, რომელიც გვქონდა მარტის თვეში“, - განაცხადა ეკატერინე ტიკარაძემ.

მინისტრმა ასევე აღნიშნა, რომ ამ ეტაპზე შრომითი ინპექციის ჩართულობით მიმდინარეობს მუშაობა რესტორნებთან დაკავშირებით.

მისი თქმით, კონკრეტული სტანდარტების დადგენის შემდეგ, საზოგადოებას მიღებული გადაწყვეტილებების შესახებ ეტაპობრივად გააცნობენ.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო