ვაკის რაიონის გამგეობის ინფრასტრუქტურული პროექტების ფარგლებში და მიმდინარე წლის გეგმის გათვალისწინებით, ნუცუბიძის IV მიკრორაიონის N22 კორპუსის მიმდებარედ დასასვენებელი სივრცის და კომბინირებული სპორტული მოედნის მოწყობა მიმდინარეობს.

სტადიონზე ეწყობა ახალი საფარი, ღობეები, დამონტაჟდება კარები და ფარები. დასასვენებელ სივრცეში კი, განთავსდება საბავშვო-გასართობი მოედანი სხვადასხვა ატრაქციონით. დამონტაჟდება სხვა შესაბამისი ურბანული ავეჯი, მოეწყობა განათების ქსელი და დაირგვება მცენარეები.

სარეაბილიტაციო სამუშაოებს ვაკის რაიონის გამგებელი ნოდარ ტურძელაძე გაეცნო.  

„ვაკის რაიონში აქტიურ რეჟიმში გრძელდება ინფრასტრუქტურული პროექტების წარმოება, მათ შორის სპორტული მოედნების და სკვერების განახლება, რაც ძალიან მნიშვნელოვანია ადგილობრივი მოსახლეობისთვის. ყველა დასასვენებელ და სპორტულ სივრცეში განთავსდება ახალი ინფრასტრუქტურა, სკვერები განათდება და გამწვანდება, რაც ზაფხულში კომფორტულ პირობებს შექმნის ბავშვებისთვის და მათი მშობლებისთვის“, - განაცხადა ნოდარ ტურძელაძემ.

დასასვენებელი სივრცის რეაბილიტაციის პროექტის ღირებულება დაახლოებით, 100 000 ლარს, ხოლო სპორტული მოედნის მოწყობის პროექტი, დაახლოებით 45 000 ლარს შეადგენს.

სულ, ამ ეტაპზე, ვაკის რაიონში ექვსი სპორტული მოედნის და ექვსი დასასვენებელი სივრცის განახლება მიმდინარეობს.

ავტორი: NS (სტატია დაფინანსებულია),

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო