რუსული მედია კომერსანტი რუსეთის პრეზიდენტ ვლადიმერ პუტინის ადმინისტრაციიდან წყაროზე დაყრდნობით წერს, რომ საქართველოს ოკუპირებული რეგიონის, ე.წ. სამხრეთ ოსეთის "სტატუსისა და შემდგომი განვითარების სტრატეგიული საკითხის გადაჭრის დრო დადგა".

"უკვე დრო მოვიდა გადაწყდეს სამხრეთ ოსეთის სტატუსის სტრატეგიული საკითხი და მისი მომავალი განვითარება. საჭიროა რაც შეიძლება მალე გამოსვლა ანკლავური მდგომარეობიდან პოლიტიკური, სოციალური და ეკონომიკური თვალსაზრისით. 

ამისათვის შეიცვალა კონსტიტუცია და გადაიხედა ბინადრობის ცენზი უმაღლესი ხელისუფლების ორგანოების წარმომადგენლებისთვის", - განაცხადა კომერსანტმა წყარომ.

წყარომ ასევე განაცხადა, რომ ოკუპირებული სამხრეთ ოსეთის ე.წ. პრეზიდენტის ალან გაგლოევის რუსეთის პრეზიდენტ ვლადიმერ პუტინის მრჩევლად გადაყვანა მისი დაწინაურებაა.

ამასთან, წყარომ მიუთითა, რომ დე ფაქტო ხელისუფლების ცვლილება ოკუპირებულ რეგიონში არსებული სტაგნაციით არის განპირობებული.

ოკუპირებული სამაჩაბლოს ე.წ. კონსტიტუციაში ცვლილება შევიდა, რომელიც რუს მაღალჩინოსნებს თვითგამოცხადებულ სამხრეთ ოსეთის რესპუბლიკაში უმაღლესი თანამდებობის დაკავების უფლებას აძლევს. 

შეცვლილი კონსტიტუციის მიხედვით, ალან გაგლოევს რუსეთის პრეზიდენტის ადმინისტრაციაში გადასვლის უფლება მიეცა. 

ავტორი: ექსპრესნიუსი,

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა