პარლამენტის შენობის წინ მიმდინარე საპროტესტო აქციის გამო, რუსთაველის გამზირი გადაიკეტა.

თავდაპირველად მოძრაობა ნაწილობრივ იყო შეზღუდული, თუმცა მას შემდეგ, რაც ოპოზიციური პარტიები და სამოქალაქო აქტივისტები რესპუბლიკის მოედნიდან მსვლელობით პარლამენტთან მივიდნენ, სამართალდამცველებმა გზის გადაკეტვის გადაწყვეტილება მიიღეს.

აქციის ასევე მსვლელობით შეუერთდნენ ივანე ჯავახიშვილის სახელობის თბილისის სახელმწიფო უნივერსიტეტის სტუდენტები.

აქციის მონაწილეთა მთავარი მოთხოვნა კვლავ ვადამდელი, პროპორციული არჩევნების ჩატარებაა. ისინი აცხადებენ, რომ თუ მოთხოვნების არ შესრულდება, პროტესტს არ შეწყვეტენ. ამასთან, ორგანიზატორები აღნიშნავენ, რომ დღეს პარლამენტის პიკეტირება კვლავ მოხდება, რათა ხვალ დეპუტატებმა პლენარული სხდომის ჩატარება ვერ შეძლონ.

ამ დროისთვის ადგილზე ასობით მოქალაქე იმყოფება. ამასთან, როგროც პარლამენტის ეზოში, ისე შენობის მიმდებარე ტერიტორიაზე დილიდან დიდი რაოდენობით სამართალდამცველია მობილიზებული.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით