საქართველოს იუსტიციის სამინისტროს ეროვნული არქივის გენერალურმა დირექტორმა თეონა იაშვილმა არქივების საერთაშორისო საბჭოს ევროპული განყოფილების (EURBICA-ს) თავმჯდომარესთან, მალტის ეროვნული არქივის დირექტორ ჩარლზ ჯ. ფარუჯასთან დღეს შეხვედრა გამართა.

დღესვე ჩარლზ ჯ. ფარუჯა გაეცნო ეროვნული არქივის დოკუმენტების რესტავრაციის ლაბორატორიისა და კინოფოტოფონოდოკუმენტების ცენტრალური არქივის მუშაობას. მისი განსაკუთრებული ინტერესი გამოიწვია აუდიო და კინოდოკუმენტების გაციფრულებისა და ელექტრონული ვერსიების შენახვის სისტემამ.

მხარეები შეთანხმდნენ, რომ 2020 წელს საქართველოს ეროვნული არქივის რესტავრატორები ეწვევიან მალტის ეროვნულ არქივს და ადგილზე გაეცნობიან იმ მეთოდებს, რომელსაც მალტელი სპეციალისტები ქაღალდის დოკუმენტების რესტავრაციისას იყენებენ, ხოლო თავის მხრივ მალტელ კოლეგებს ეტრატის დოკუმენტების რესტავრაციის სფეროში თავის გამოცდილებას გაუზიარებენ.

გარდა ამისა, ჩარლზ ჯ. ფარუჯა გაეცნო საქართველოს ეროვნული არქივის ახალ ინფრასტუქტურას. მისი ინიციატივით, საქართველოს ეროვნული არქივი, ექსპერტულ დონეზე, სხვა საერთაშორისო ექსპერტებთან ერთად,  ჩაერთვება მალტის არქივის ინფრასტრუქტურულ პროექტებში.

ჩარლზ ჯ. ფარუჯა თბილისს საქართველოს ეროვნული არქივის მეოთხე საერთაშორისო კონფერენციის ფარგლებში სტუმრობდა.

(NS)

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს