გარემოს დაცვისა და სოფლის მეურნეობის მინისტრის მოადგილე ხატია წილოსანი თელავში, რთველის საკოორდინაციო შტაბის ხელმძღვანელს, ლევან მეხუზლას  შეხვდა  და რთველის მიმდინარეობისა და ყურძნის გადამუშავების შესახებ ინფორმაციას ადგილზე გაეცნო.

კახეთის რეგიონში, რთველი უკვე პიკურ  ფაზაშია და 22 სექტემბრის მონაცემებით, დაახლოებით 110 ათასი ტონა ყურძენი ინდუსტრიულად  უკვე გადამუშავებულია. რთველის საკოორდინაციო შტაბის წარმომადგენლების მიერ ხდება საწარმოებთან ყურძნით დატვირთული მანქანების ნაკადების ორგანიზებული მართვა, რათა  მევენახეებს ყურძნის ჩაბარების პრობლემა არ შეექმნათ და რთველმა შეფერხებების გარეშე ჩაიაროს.

როგორც ხატია წილოსანმა აღნიშნა, რთველი აქტიურად მიმდინარეობს. სახელმწიფოს აქვს სოციალური პასუხისმგებლობა და ყველაფერს გააკეთებს იმისთვის, რომ  არცერთ მევენახეს ჩაუბარებელი ყურძენი არ დარჩეს.  

მინისტრის მოადგილე სოფელ კურდღელაურში, მეღვინე ქალებს შეხვდა და ღვინის წარმოების განვითარებისა და საექსპორტო ბაზრების შესახებ მათი სამომავლო გეგმები მოისმინა. მინისტრის მოადგილემ მეღვინეებს წარმატება უსურვა და აღნიშნა, რომ ყოველწლიურად, მეღვინე ქალები სულ უფრო მეტ წარმატებას აღწევენ, რაც ახალგაზრდებისთვის მისაბაძი მაგალითია.

„სამინისტრო მნიშვნელოვან ღონისძიებებს ახორციელებს ქართული პროდუქციის საერთაშორისო ბაზრებზე პოპულარიზაციის მიმართულებით. მოხარული ვარ, რომ მცირე მარნების წარმოებული მაღალი ხარისხის ღვინოები, საერთაშორისო ბაზარზე სათანადო ადგილს იმკვიდრებს. სახელმწიფო მომავალშიც აქტიურად გააგრძელებს მცირე მარნების და ზოგადად, აგროწარმოების განვითარების ხელშეწყობას“, - აღნიშნა ხატია წილოსანმა.

მინისტრის მოადგილემ ერთ-ერთი მეღვინის, ქეთევან ალადაშვილის ვენახიც დაათვალიერა და რთველში მიიღო მონაწილეობა.

ქეთევან ალადაშვილმა, ღვინის წარმოება „Kate Wine“-ის ბრენდის ქვეშ, 2017 წელს დაიწყო. მეღვინე წლის განმავლობაში, 900 ტონამდე ღვინოს აწარმოებს. ამ ეტაპზე, ღვინის დაყენებას საფერავის, რქაწითელის, ქისის და კახური მწვანეს ჯიშების ყურძნისგან ახდენს. „Kate Wine“-ის ღვინოებმა არაერთი ჯილდო მოიპოვა საერთაშორისო გამოფენებზე. პროდუქციის რეალიზაცია ადგილობრივი ბაზარის გარდა, პოლონეთში ხორციელდება.   

NS

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს