ეროვნულ-დემოკრატიული ინსტიტუტისა (NDI) კვლევის მიხედვით, გამოკითხულთა 41% ფიქრობს, რომ საბჭოთა კავშირის დაშლა საქართველოსთვის ცუდი მოვლენა იყო.

ამავე კვლევის მიხედვით, 49% აცხადებს, რომ კავშირის დაშლა ქვეყნის კარგი მოვლენა იყო. ამავე კითხვაზე 10% პასუხობს "არ ვიცი".

უფრო კონკრეტულად, საბჭოთა კავშირის დაშლა საქართველოსთვის ცუდ მოვლენად ძირითადად 55 წელს ზემოთ ადამიანებს (56%) მიაჩნიათ. დასახლების მიხედვით, ამავე აზრის მქონე ადამიანების ყველაზე მეტი მაჩვენებელი სოფლებსა (47) და პატარა ქალაქებში (42) დაფიქსირდა. სქესის მიხედვით, საბჭოთა კავშირის დაშლას ცუდ მოვლენად მამაკაცების 42% აფასებს, ხოლო ქალებში 39%. 

აღსანიშნავია, რომ წინა გამოკითხვის შემდეგ, რომელიც NDI-მ მიმინარე წლის 20 მაისს გამოაქვეყნა, საბჭოთა კავშირის დაშლა ცუდ მოვლენად 2-ით მეტმა ადამიანმა შეაფასა. წინა კვლევის თანახმად, ფაქტს ნეგატიურად 39% აფასებდა. 

ცნობისთვის, კვლევის საველე სამუშაოები ჩატარდა 13-29 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,131 პირისპირ ინტერვიუს წარმომადგენლობითი შერჩევის საფუძველზე. კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს