ჩუღურეთის რაიონში, უზნაძის N68-ის მიმდებარედ თანამედროვე სტანდარტების შესაბამისი დასასვენებელი სივრცე ეწყობა, რომელსაც დედაქალაქის საკრებულოს გადაწყვეტილებით, ომში მოკლული ქალბატონების სახელი მიენიჭა. 

პროექტის ფარგლებში, ახალი სკვერისთვის შერჩეული ტერიტორია, რომელიც 250 კვადრატულ მეტრს შეადგენს, მოწესრიგდება, მოეწყობა განათების სისტემა და ტერიტორია უსაფრთხოების მოაჯირებით შემოიფარგლება. 

გარდა ამისა, საფეხმავლო ბილიკები მოპირკეთდება ფილებით, მოეწყობა ბორდიური, განთავსდება საბავშვო გასართობი ზონა და საპარკე ავეჯი. ასევე, ჩატარდება გამწვანების სამუშაოები და სხვადასხვა სახეობის ხე-მცენარეები დაირგვება. 

მიმდინარე სამუშაოები ჩუღურეთის რაიონის გამგებელმა, ზურაბ ჩიკვილაძემ საკრებულოს  მაჟორიტარ დეპუტატებთან, რიმა ბერაძესა და ვლადიმერ ძნელაძესთან ერთად დაათვალიერა და ადგილობრივ მოსახლეობას შეხვდა. 

„ჩუღურეთის რაიონში, სოხუმის სახელმწიფო დრამატული თეატრის მიმდებარე ტერიტორიაზე კიდევ ერთ რეკრეაციულ სივრცეს ვაწყობთ, რომელსაც სიმბოლური დატვირთვაც ექნება. ომში დაღუპული ქალების ხსოვნის პატივსაცემად, სკვერის ტერიტორიაზე განთავსდება ტალღების ფორმის ნარინჯისფერი უსაფრთხოების მოაჯირები. სკვერი ასევე, გამწვანდება, თანამედროვე ინვენტარით აღიჭურვება და ყველა თაობის ადამიანისთვის საყვარელი დასასვენებელი სივრცე გახდება“, - განაცხადა ზურაბ ჩიკვილაძემ. 

სამუშაოებს, რომლის ღირებულება 77 000 ლარია, ჩუღურეთის რაიონის გამგეობის დაკვეთით, შპს „არბა“ ასრულებს. 

(NS)

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს