პარლამენტის თავმჯდომარე არჩილ თალაკვაძე "თიბისი ბაკის დამფუძნებლების მამუკა ხაზარაძისა და ბადრი ჯაფარიძის მიერ საზოგადოებრივი მოძრაობის ჩამოყალიბებას ეხმაურება და აღნიშნავს, რომ ყველა მსურველს აქვს საშუალება პოლიტიკური პარტია ჩამოაყალიბოს. 

თალაკვაძის თქმით, ხელისფლების მიერ მიღებული გადაწყვეტილება პროპორციულ საარჩევნო სისტემაზე გადასვლის შესახებ შესაძლებლობას მისცემს ყველა მსურველს არჩევნებში მონაწილეობა მიიღოს. 

"ჩვენი კანონმდებლობა ცხადად არეგულირებს თუ როგორ შეიძლება შექმნა პოლიტიკური პარტია და შემდეგ ეს პოლიტიკური პარტია, როგორ მონაწილეობს არჩევნებში. საქართველოში არის რეგისტრირებული 400-მდე პოლიტიკური პარტია და მხოლოდ 30-მდე პოლიტიკური პარტია არის რეალურად აქტიური და ფუნქციური. ეს მიუთითებს იმაზე, რომ წარსულში ბევრ ადამიანს ჰქონდა სურვილი შეექმნა პარტია, მაგრამ არსებულ პოლიტიკურ სისტემაში არის ბევრად ნაკლები რაოდენობა პარტიების, რომლებიც რეალურ გავლენას ახდენენ პოლიტიკის კეთებაზე. რაც შეეხება ბატონი ხაზარაძის შესაძლო სამომავლო გეგმებს, ისინიც, როგორც სხვები ისარგებლებენ იგივე კანონმდებლობით, თუ მათ ექნებათ სურვილი და შესაძლებლობა შექმნან პოლიტიკური პარტია, მათ ეს შეეძელბათ. რასაც ჩვენ ახლა ვაკეთებთ, ჩვენ ვცვლით საარჩევნო სისტემას იმგვარად, რომ ძველ, არსებულ კონსერვატიულ პარტიებს თუ ახალ პარტიებს, ყველას ექნება შესაძლებლობა არჩევნებში მიიღოს მონაწილეობა და ჰქონდეს რეალური შანსი, რომ წარმომადგენლობა მოიპოვოს პარლამენტში. ამისთვის შემოგვაქვს ნულოვანი ბარიერი ერთჯერადად", - განაცხადა არჩილ თალაკვაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს