„ჩვენ პრაქტიკულად 2020 წლის არჩევნებზე ვიტყვით, რომ საბჭოთა ინფრასტრუქტურა იუსტიციის ტერიტორიულ სამსახურებში დასრულდა“, - ამის შესახებ იუსტიციის მინისტრობის კანდიდატმა თეა წულუკიანმა განაცხადა.

წულუკიანის განცხადებით,  არა მხოლოდ დაბები და ქალაქები, არამედ სოფლებიც ევროპული ტიპის ინფრასტრუქტურით იქნება დაფარული.

„ჩვენ იუსტიციის სახლებს მომავალ არჩევნებამდე,  2020 წლის ბოლომდე, ყოველ შემთხვევაში, გავხსნით ბოლნისში, წყალტუბოში, სამტრედიაში, გარდაბანში, ქარელში, ზესტაფონში, ხაშურსა და ახმეტაში; ხოლო საზოგადოებრივი ცენტრებს − ქობულეთში, ქედაში, ხულოში, ამბროლაურში, დუშეთში, ტყიბულში, ცაგერში, თეთრიწყაროში. ყაჩაღანსა და ჭრებალოში  წელს დაიწყება მშენებლობა, დაგეგმვითი სამუშაოები მიმდინარეობს საზოგადოებრივი ცენტრების მშენებლობის მიზნით ჭიათურაში, ხობში, აბაშაში, კასპში, ჩოხატაურში, დედოფლისწყაროში, ნინოწმინდაში, ხარაგაულში, ბაღდათში, ასპინძასა და ვანში. არის ორი-სამი მუნიციპალიტეტი, რომლებთანაც თანამშრომლობა ჯერჯერობით ვერ შედგა. შესაბამისად, მიწის ნაკვეთი ვერ გამოინახა იმისთვის, რომ იქაც თანამედროვე ინფრასტრუქტურა აიგოს. ეს პრობლემაც თუ აღმოიფხვრება, ჩვენ, პრაქტიკულად 2020 წლის არჩევნებზე ვიტყვით, რომ საბჭოთა ინფრასტრუქტურა იუსტიციის ტერიტორიულ სამსახურებში დასრულდა და მთელი საქართველო იქნება დაფარული ევროპული ტიპის ინფრასტრუქტურით არა მხოლოდ დაბებსა და ქალაქებში, ტერიტორიულ ცენტრებში, არამედ სოფლებშიც“, - აღნიშნა თეა წულუკიანმა.

(NS)

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს