გარემოს დაცვისა და სოფლის მეურნეობის მინისტრობის კანდიდატმა, ლევან დავითაშვილმა კომიტეტების გაერთიანებულ სხდომაზე სიტყვით გამოსვლისას ისაუბრა ახალი ინსტიტუციის ჩამოყალიბებაზე, რომელიც მიწის სწორად, რაციონალურად გამოყენებისა და მდგრადი მართვის მიზნით შეიქმნება.

„ალბათ ყველაფრის საფუძველი, როდესაც  სოფლისა  და სოფლის მეურნეობის განვითარებაზე  ვსაუბრობთ, არის მიწის სწორად მართვა. შესაბამისად, აღსანიშნავია მიწის სწორად, რაციონალურად გამოყენებისა და მდგრადი მართვისთვის ახალი კანონმდებლობა, რომლის შექმნაზეც პარლამენტი რამდენიმე წლის განმავლობაში მუშაობდა. ჩვენ მჭიდრო თანამშრომლობა გვქონდა კომიტეტთან, მის თავმჯდომარესთან „სასოფლო-სამეურნეო დანიშნულების მიწის საკუთრების შესახებ” და „მიწის მიზნობრივი დანიშნულების  განსაზღვრისა და სასოფლო-სამეურნეო დანიშნულების მიწის მდგრადი მართვის შესახებ“ კანონების შემუშავების პროცესში. აღნიშნული კანონების აღსრულებას სჭირდება ახალი ინსტიტუციის ჩამოყალიბება, რომელსაც უკვე 2020 წლიდან შეიქმნება. ახალი უწყება ფუნდამენტურად შეცვლის მიწის რესურსის გამოყენებას,  გაითვალიწინებს მის როგორც  ეკონომიკურ, ისე  გარემოსდაცვით ასპექტებს“, - განაცხადა ლევან დავითაშვილმა

სიტყვით გამოსვლისას მინისტრობის კანდიდატმა ასევე ისაუბრა   სოფლის მეურნეობის განვითარებითვის სამელიორაციო პროექტებზე განხორციელების მნიშვნელობაზე.

„ჩვენ დავიწყეთ სოლიდური თანხების ინვესტირება,  იმისთვის, რომ საქართველოში სამელიორაციო ინფრასტრუქტურა შეგვექმნა. დაახლოებით ორნახევარჯერ გაიზარდა წყალუზრუნველყოფილი ფართობები, იზრდება დრენირებული ფართობებიც. მიმდინარე წელს დაახლოებით 600 ჰა-მდე, ხოლო მომავალი წელს,  დაახლოებით,  10 000 ჰა-მდე ფართობის წყალუზრუნველყოფა  იგეგმება“,  - აღნიშნა ლევან დავითაშვილმა.

(NS)

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს