უმაღლესი საბჭოს დეპუტატმა "პატრიოტთა ალიანსიდან" მერაბ ბლადაძემ Facebook-ში ერთ-ერთ მოქალაქეს სიტყვიერი შეურაცხყოფა მიაყენა და აგინა. 

დეპუტატს სტატუსი საკუთარ გვერდზე ჰქონდა გამოქვეყნებული, სადაც მას კომენტარი ერთ-ერთმა მომხმარებელმა დაუწერა და მასთან პოლემიკაში შევიდა. 

მოგვიანებით ბლადაძემ პოსტი წაშალა და საზოგადოებას ბოდიში მოუხადა. ამასთან, ის უარს ამბობს, ბოდიში მოუხადოს მოქალაქეს, რომელსაც აგინა. 

"როგორ შეიძლება ვიფიქრო, რომ საჯარო სივრცეში გინება ნორმალურია? არასწორი იყო ნამდვილად ჩემი მხრიდან, ეს არის ძალიან ცუდი. მაგრამ ძალიან გამომიყვანა ამ ქალმა წყობიდან, ძალიან ყოჩაღი ყოფილა. ნამდვილად ცუდი ტენდენციაა, საჯარო სივრცეში გინების სტიმული გვარამიამ მოგვცა, არაა ეგ ნორმალური მაგრამ ხდება ასეც. ამიტომ, ალბათ რაღაც კანონი უნდა მივიღოთ საჯარო სივრცეში გინების წინააღმდეგ კანონმდებლებმა, თუმცა პირველად ეს ჩვენ უნდა გავაკონტროლოთ ადამიანებმა. ზოგს ავიწყდება, რომ დეპუტატებიც ადამიანები ვართ დ ხანდახან ვბრაზდებით", - განაცხადა მერაბ ბლადაძემ.

ინფორმაციას აჭარის ტელევიზია და TV25 ავრცელებენ.    

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს