თბილისის საქალაქო სასამართლოსთან ანტისაოკუპაციო აქცია #სირცხვილიას აქცია იმართება.

დემონსტრანტები სასამართლოს გადაწყვეტილებას, 20 ივნისის საქმეზე დაკავებული 7 პირი პატიმრობაში დატოვებას აპროტესტებენ.

ამასთან, აქციის მონაწილეებს ადგილზე ბანერები აქვთ მიტანილი.

მათი განცხადებით, მოსამართლემ პოლიტიკური დაკვეთა შეასრულა, „ტვ  პირველის“ მფლობელის მამის, ბიზნესმენ ავთანდილ წერეთლის მიმართ 500 000-ლარიანი გირაოს შეფარდების დროსაც.

„მოსამართლეებს და პროკურორებს პოლიტიკური დაკვეთების შესრულება უწევთ. დღეს რამდენიმე სასამართლო იყო ასეთი, ერთ-ერთი ჭუტა წერეთლის, „ტვ პირველზე“ ზეწოლა ხორციელდება ამ კუთხით, ასევე ზეწოლა არის ყველა იმ ადამიანზე და ყველა იმ ადამიანის ოჯახის წევრზე, რომლებიც 20 ივნისის ღამის გამო არიან დაკავებულები. სირცხვილია, მოსამართლე, რომელიც სათათბიროდ არც გავიდა და ეგრევე მიიღო გადაწყვეტილება და ესმოდა პროკურორების ხმა რას ლაპარაკობდნენ. სირცხვილია, როდესაც სასამართლო პროკურატურისა და ბიძინა ივანიშვილის დაკვეთას ასრულებს“, - აღნიშნა აქციის ერთ-ერთმა ორგანიზატორმა.

აღსანიშნავია, რომ დღევანდელ სასამართლო სხდომაზე 20 ივნისის დროს დაკავებულების საქმეზე, დაცვის მხარემ გირაოს შუამდგომლობა დააყენა, თუმცა მოსამართლე ლევან გელოვანმა არ დააკმაყოფილა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს