ვაკის რაიონში, პოლიტკოვსკაიას N8-ში და ნუცუბიძის V მიკრორაიონის II კორპუსთან დასასვენებელი სივრცეების მოწყობა მიმდინარეობს.

პოლიტკოვსკაიას N8-ის ტერიტორიაზე, პროექტის შესაბამისად განთავსდება ყველა საჭირო ინვენტარი - საპარკე სკამები და ურნები, საბავშვო ატრაქციონები, მოეწყობა განათების სისტემა, დაირგვება ხეები, სივრცე შემოიღობა.

ბავშვებისა და მათი მშობლებისთვის კეთილმოეწყობა მოედანი ნუცუბიძის V მიკრორაიონის II კორპუსთანაც. პროექტის დასრულების შემდეგ, ადგილობრივ მოსახლეობას ექნება არასტანდარტული დასასვენებელი და გასართობი სივრცე, სადაც,  აუცილებელი საპარკე ავეჯის გარდა, განთავსდება განსხვავებული საბავშვო ატრაქციონები, მათ შორის ე.წ. „ზიპლაინი“, ასევე, როგორც სხვა მწვანე სივრცეების შემთხვევაში, დაირგვება მცენარეები.

მიმდინარე სარეაბილიტაციო სამუშაოებს ვაკის რაიონის გამგებელი ნოდარ ტურძელაძე გაეცნო და ადგილობრივ მცხოვრებლებს შეხვდა. მისი თქმით, მნიშვნელოვანია, რომ სივრცეები კომფორტული იყოს როგორც პატარებისთვის, ისე მათი მშობლებისთვის.

„ჩვენი მიზანია, სხვადასხვა უბნებში და შიდა ეზოებში რაც შეიძლება მეტი კომფორტული და კეთილმოწყობილი სივრცე შევქმნათ. როგორც ხედავთ, ამ ორ მისამართზე მუშაობა მალე დასრულდება და ადგილობრივ მოსახლეობას ბავშვებთან ერთად სასიამოვნო დროის გატარება შეეძლება“, - განაცხადა ვაკის რაიონის გამგებელმა.

ამ დროისთვის,  დასასვენებელი სივრცეების მოწყობა ჯამში 9 მისამართზე მიმდინარეობს.

(NS)

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა