2019-08-20 17:23:52, 1135 ნახვა

---

სალია R2-ის ჟურნალისტებს: თუ თვლით, რომ მელაძის გარეშე საქმიანობა არ შეგიძლიათ, გადაწყვეტილება თვითონ უნდა მიიღოთ

„რუსთავი 2“-ს და მის ჟურნალისტებს შესწევთ ძალა, რომ დამოუკიდებლად გააგრძელონ საქმიანობა. თუ თქვენ თვლით, რომ ამის გაკეთება ნოდარ მელაძის გარეშე არ შეგიძლიათ, მე ვერაფერს გეტყვით, თქვენი გადაწყვეტილება თქვენ თვითონ უნდა მიიღოთ, - ასე მიმართა ტელეკომპანია  „რუსთავი 2“ - ის გენერალურმა დირექტორმა პაატა სალიამ ამავე ტელეკომპანიის ჟურნალისტებს.

სალია იმედს გამოთქვამს, რომ ჟურნალისტები ტელეკომპანიაში დარჩებიან და საქმიანობას გააგრძელებენ.

„ჩვენ სულ ვსაუბრობთ იმაზე, რომ ვიღაც არის სარედაქციო პოლიტიკის დამოუკიდებლობის გარანტი. ამ არხზე მუშაობს ძალიან ბევრი პროფესიონალი ჟურნალისტი. დიდი იმედი მაქვს, რომ ისინი დარჩებიან და გააგრძელებენ მუშაობას. მათ საქმიანობაში ჩარევას არავინ აპირებს. ამაში თვითონ დარწმუნდებიან.

„რუსთავი 2“-ს და მის ჟურნალისტებს შესწევთ ძალა, რომ გააგრძელონ თავიანთი საქმიანობა ისე, რომ ამაში არავინ ჩაერევა. თუ თქვენ თვლით, რომ ამის გაკეთება ნოდარ მელაძის გარეშე არ შეგიძლიათ, მე ვერაფერს გეტყვით. თქვენი გადაწყვეტილება თქვენ თვითონ უნდა მიიღოთ, თუმცა მე გიდასტურებთ, რომ არ მოხდება თქვენს საქმიანობაში ჩარევა”, - განაცხადა პაატა სალიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი