რუსეთის საგარეო საქმეთა სამინისტრო საქართველოს ხელისუფლებისგან მოითხოვს უზრუნველყოს, ქვეყნის ტერიტორიაზე მყოფი რუსი ჟურნალისტების და რუსეთის მოქალაქეების უსაფრთხოება, - ამის შესახებ განცხადება უწყების ოფიციალურ ვებგვერდზე გამოქვეყნდა. 

„დღეს, თბილისში აგრესიულად განწყობილი რადიკალური ელემენტების მხრიდან, ტელეკომპანია „Россия 24“-ის გადამღებ ჯგუფზე თავდასხმის მცდელობა იყო. მანამდე, მასობრივი არეულობის დროს, საქართველოს დედაქალაქში ადგილობრივი და საერთაშორისო მედიის წარმომადგენლები დაშავდნენ.

საქართველოს ხელისუფლებისგან მოვითხოვთ, უზრუნველყოს ქვეყნის ტერიტორიაზე მყოფი როგორც რუსი ჟურნალისტების, ისე რუსეთის მოქალაქეების უსაფრთხოება.

საერთაშორისო ორგანიზაციებისგან და პირველ რიგში, ეუთო-ს წარმომადგენლისგან ჰარლემ დეზირისგან შესაბამის რეაგირებას ველოდებით.

ყურადღებით ვაკვირდებით საქართველოში განვითარებულ მოვლენებს”, - ნათქვამია განცხადებაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა

საქართველოს ბანკის მხარდაჭერით, ბათუმში მეწარმე ქალებისთვის ელ. კომერციის ვორქშოპი გაიმართება

ევროკომისარი აზერბაიჯანის პროკურატურისგან აფგან სადიგოვის დაკავებაზე განმარტებას ითხოვს

ლიტერატურული პრემია „საბას“ 2026 წლის ფინალისტები ცნობილია