აშშ-ის საელჩო თავის მოქალაქეებს მოუწოდებს, ღირსების მარშს მოერიდონ

2019-06-19 19:18:30, 1171 ნახვა

საზოგადოება

ამერიკის შეერთებული შტატების საელჩო საქართველოში, თბილისში მყოფ საკუთარ მოქალაქეებს აფრთხილებს.

როგორც განცხადებაშია ნათქვამია, შტატების მოქალაქეებმა თბილისი პრაიდის ფარგლებში დაგეგმილ ღონისძიებებს თავი უნდა აარიდონ.

„LGBT საზოგადოების მხარდამჭერები და წევრები „ღირსების კვირის“ აღსანიშნავად მარშის ან სახალხო ღონისძიების გამართვას გეგმავენ. ველით, რომ შესაძლოა ღონისძიებაზე უამრავი ადამიანი შეიკრიბოს. ეს საქართველოში „ღირსების კვირასთან“ დაკავშირებული სახალხო ღონისძიებების პირველი შემთხვევაა. წარსულში სახალხო ღონისძიებები ამ საზოგადოების წევრებისა და მხარდამჭერების თვითგამოხატულების საშუალებას წარმოადგენდა, რასაც მწვავე და ზოგჯერ ძალადობრივი რეაქცია ჰქონდა კონტრდემონსტრანტების მხრიდან. შეერთებული შტატების მთავრობის წარმომადგენლებს მიეცათ რჩევა, მოერიდონ ხალხის დიდი ნაკადის შეკრების ადგილებს, მსვლელობაში მონაწილეობას და გამოიჩინონ სიფრთხილე", - ნათქვამია საელჩოს განცხადებაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან