საგარეო საქმეთა სამინისტროს ინფორმაციით, თურქეთის ქალაქ სტამბოლში მოკლული საქართველოს მოქალაქე საფოსტო გზავნილების ოფისის თავდასხმაში მონაწილეობდა.

სამონისტროს წარმომადგენლის, ვლადიმირ კონსტანტინიდის განცხადებით, მომხდართან დაკავშირებით გამოძიება მიმდინარეობს. მისივე თქმით, საკონსულოს მეშვეობით ცხედრის გადმოსვენება მოხდება.

გარდა ამისა, კონსტანტინიდის განმარტებით, თავდასხმაში მონაწილე საქართველოს ორი მოქალაქე ადგილიდან მიიმალა.

"ამ ეტაპზე მიმდინარეობს გამოძიება. ჩვენი საკონსულო არის აქტიურად ჩართული. ჩვენი კონსული ამ წუთებშიც იმყოფება პოლიციაში. გარდაცვლილია საქართველოს ერთი მოქალაქე. მოხდა ერთ-ერთ კომერციულ ობიექტზე, კერძოდ, საფოსტო გზავნილების ოფისზე თავდასხმა, სადაც იმყოფებოდნენ სხვა ქვეყნის მოქალაქეები, საუბარია რუსეთის მოქალაქეებზე. დაჭრილია ორი ადამიანი, თავდასხმის ობიექტები. დანარჩენი ორი პირი, ვინც თავდასხმაში მონაწილეობდნენ, მიიმალნენ. არის ვერსია რომ ისინიც საქართველოს მოქალაქეები არიან. უფრო მეტი დეტალი მოგვიანებით გვეცოდინება. რაც შეეხება, გადმოსვენების საკითხს, ჩვენ ძალიან მყისიერად ვრეაგირებთ, ეს დაკავშირებულია, როგორც ფიზიოლოგიურ პროცედურებთან, ასევე გამოძიების შედეგებთან", - განაცხადა კონსტანტინიდმა. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო