გარემოს დაცვისა და სოფლის მეურნეობის მინისტრის მოადგილე იური ნოზაძე ქალაქ თბილისში გამართულ ჩინურ სახალხო დღესასწაულს  - ნერგების ფესტივალს დაესწრო და საქართველოში ჩინეთის სახალხო რესპუბლიკის ელჩთან, ძი იანჩისთან ერთად გამწვანების აქციაში მიიღო მონაწილეობა. 

როგორც გარემოს დაცვისა და სოფლის მეურნეობის მინისტრის მოადგილემ აღნიშნა, მისასალმებელია ჩინეთის საელჩოს სურვილი ხელი შეუწყოს თბილისში გარემოზე ზრუნვას და ეკოლოგიური მდგომარეობის გაუმჯობესებას, რაც ჩვენი ქვეყნისთვის ერთ-ერთი მთავარი პრიორიტეტია.

ღონისძიების ფარგლებში, სხვადასხვა გასართობი აქტივობაც გაიმართა. გამწვანების აქციაში ჩართულ მოხალისეებს გარემოს დაცვისა და სოფლის მეურნეობის მინისტრის მოადგილემ, იური ნოზაძემ და ჩინეთის სახალხო რესპუბლიკის ელჩმა საქართველოში, ძი იანჩიმ   სპეციალური სერთიფიკატები  გადასცეს.

ფესტივალი საქართველოში ჩინეთის სახალხო რესპუბლიკის საელჩოს ინიციატივით, ჩინეთის სავაჭრო პალატისა და მულტიმედია ჯგუფის ორგანიზებით გაიმართა. ღონისძიების მხარდამჭერები გარემოს დაცვისა და სოფლის მეურნეობის სამინისტრო და თბილისის მერია იყვნენ.

ღონისძიებაში მონაწილეობდნენ  თბილისის მერიის, გლდანის რაიონის გამგეობის,  საქართველოში მოქმედი ჩინური კომპანიების წარმომადგენლები და საქართველოსა და ჩინეთის უნივერსიტეტების სტუდენტები.

ნერგების ფესტივალი საქართველოში უკვე სამი წელია ტარდება და მისი მიზანი გარემოზე ზრუნვა და ჩინელი ხალხის სახელით, საქართველოში გამწვანების ხელშეწყობაა.

(NS)

ავტორი: ექსპრესნიუსი,

სოციალური ქსელები

პენტაგონის ხელმძღვანელი უარყოფს, რომ აშშ-ს რაკეტების მარაგი ამოეწურა

"ყაზბეგის" საზღვარზე ₾143 817-ის ოქროს ზოდების უკანონოდ შემოიტანეს - დაკავებულია რუსეთის მოქალაქე

ოკუპირებულ ტერიტორიებზე მცხოვრები აბიტურიენტები სახელმწიფო უნივერისტეტებში სრულად დაფინანსდებიან - სამინისტრო

წინასწარი შეთანხმებით ჯგუფის მიერ სხვისი ფულადი თანხების თაღლითურად დაუფლების ფაქტზე საქართველოსა და ნიგერიის მოქალაქეები დააკავა