„მშრომელთა და სამშობლოს დღე“ - 1-ელი და 14 მაისი შესაძლოა, უქმეებად გამოცხადდეს

2019-05-22 14:01:18, 1166 ნახვა

საზოგადოება

პირველი და 14 მაისი შესაძლოა უქმე დღეებად გამოცხადდეს.

პირველ მაისთან დაკავშირებით, შესაბამისი ინიციატივით პარლამენტის დამოუკიდებელი დეპუტატი ბექა ნაცვლიშვილი გამოვიდა. დეპუტატის თქმით, პირველი მაისი მშრომელთა საერთაშორისო დღეა და ამიტომ ის დასვენების დღედ უნდა გამოცხადდეს.

კიდევ ერთი თარიღის, 14 მაისის უქმე დღედ გამოცხადების ინიციატივით "ქართული ოცნების"დეპუტატი ნუკრი ქანთარია გამოდის. ქანთარია მიიჩნევს, რომ 14 მაისი "სამშობლოს" დღე უნდა ეწოდოს.

შეგახსენებთ, რომ 12 მაისი ყოვლადწმინდა ღვთისმშობლისადმი საქართველოს წილხვდომილობის დღედ გამოცხადდა. პარლამენმა შესაბამისი გადაწყვეტილება რიგგარეშე სესიაზე 8 მაისს მიიღო. აღსანიშნავია, რომ 12 მაისი მანამდეც უქმე დღე იყო, რადგან ამ რიცხვში ანდრია პირველწოდებულის ხსენებას აღნიშნავდნენ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან