„ეროვნულ-დემოკრატიული ინსტიტუტის“ (NDI) კვლევის მიხედვით, ლიდერების საქმიანობის რეიტინგში 33%-ით დედაქალაქის მერი, კახა კალაძე ლიდერობს.

კვლევის მიხედვით, კალაძის საქმიანობას გამოკითხულთა 10% ძალიან კარგად, 33% კარგად, 30% საშუალოდ, 16% ცუდად, ხოლო 3 % ძალიან ცუდად აფასებს.

რაც შეეხება, სხვა ლიდერებს, პრეზიდენტ სალომე ზურაბიშვილის საქმიანობას გამოკითხულთა 1% ძალიან კარგად, 19% კარგად, 38% საშუალოდ, 21 % - ცუდად, 9 % - ძალიან ცუდად აფასებს.

პრემიერ-მინისტრი, მამუკა ბახტაძე გამოკითხულთა 3 %-ის აზრით, ძალიან კარგად მუშაობს, 17 % - კარგად, 44 % - საშუალოდ, 17 % - ცუდად, 5 % - ძალიან ცუდად.

ხოლო პარლამენტის თავმჯდომარე ირაკლი კობახიძე 2 %-ის აზრით ძალიან კარგად მუშაობს, 14 % - კარგად, 38 % - საშუალოდ, 25 % - ცუდად, 8 % - ძალიან ცუდად.

ეროვნულ-დემოკრატიულმა ინსტიტუტმა (NDI) და CRRC-საქართველომ მედიის წარმომადგენლებს 2019 წლის აპრილში ჩატარებული კვლევის შედეგები წარუდგინა. საველე სამუშაოები 28 მარტი -15 აპრილის პერიოდში ჩატარდა. სულ გამოიკითხა 2 927 ადამიანი. ცდომილების საშუალო ზღვარი +/- 2.3% ია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთის ერთ-ერთმა უმსხვილესმა სატრანსპორტო კომპანიამ შავი ზღვის გავლით ტვირთების გადაზიდვაზე უარი თქვა

ივანიშვილის მთავრობამ განსაზღვრა ვინ მიიღებს უფასოდ სასკოლო ფორმას

საქართველოს ბანკის მობილბანკში ჩატბოტთან ხმოვანი შეტყობინების გაგზავნაა შესაძლებელი

საქართველოს ბანკის "მცირე ბიზნესის ჯაჭვში" უკვე 30 ბიზნესი ჩაერთო