2015-04-08 13:17:18, 427 ნახვა

---

„თავისუფალი დემოკრატების“ ახალგზარდული ორგანიზაციის წარმომადგენლები პარლამენტთან მინდია ჯანელიძის ბოლოდროინდელ განცხადებებს აპროტესტებენ

თბილისში, პარლამენტის შენობასთან „თავისუფალი დემოკრატების“ ახალგზარდული ორგანიზაცია აქციას „ქოლგით ქვეყანას ვერ დაიცავ“ მართავს.

აქციის მონაწილეები საქართველოსა და საფრანგეთს შორის საჰაერო თავდაცვის შესახებ მემორანდუმთან დაკავშირებით, თავდაცვის მინისტრის მინდია ჯანელიძის ბოლოდროინდელ განცხადებებს აპროტესტებენ.

„მოვუწოდებთ თავდაცვის მინისტრს მინდია ჯანელიძეს, დასრულდეს დოკუმენტის იმპლემენტაციის პროცესი და საქართველოს გადმოეცეს საჰაერო თავდაცვითი იარაღი. ჩვენ დაველოდებით მოვლენების განვითარებას“, - აცხადებენ აქციის მონაწილეები.

ამასთან, მათ აქციაზე ბანერები აქვთ მიტანილი წარწერით: „მთავრობის უმოქმედობით საქართველო დაუცველია“, „ნუ გაუშვებთ ხელიდან ისტორიულ შანსს“, "რითი დავიცვათ ქვეყანა ქოლგით?“

 

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი