სააგენტოს „აწარმოე საქართველოში" ექსპორტის მიმართულების მხარდაჭერით, საბავშვო ტანსაცმლის მწარმოებელმა კომპანიამ „სპილოუ" პარიზის და ფლორენციის საერთაშორისო გამოფენებზე დასწრება შეძლო. აღნიშნულ ღონისძიებებზე კომპანიის უცხო და კრეატიულმა პროდუქციამ დიდი დაინტერესება გამოიწვია. შედეგად, „სპილოუ"-ს პროდუქტი უკვე ექსპორტზე გადის და ევროპის რამდენიმე ბაზარზეც იყიდება.

საბავშვო ტანსაცმლის მწარმოებელთა რიცხვი სულ უფრო მატულობს. აღსანიშნავია, რომ ასეთი კომპანიების პროდუქცია მრავალფეროვნებით და დახვეწილი დიზაინით გამოირჩევა და ადგილობრივ ბაზარზე დიდი პოპულარობით სარგებლობს.

სექტორის პოტენციალიდან გამომდინარე,  სააგენტოს „აწარმოე საქართველოში" ორგანიზებით, ქართული საბავშვო ტანსაცმლის მწარმოებელი კომპანიები საკუთარი პროდუქციით სხვადასხვა საერთაშორისო გამოფენებზე არიან წარმოდგენილნი.

აღნიშნულ საერთაშორისო გამოფენებზე საბავშვო ტანსაცმლის წარდგენით, „სპილოუ"-მ მნიშვნელოვანი ბიზნესკავშირები დაამყარა სხვადასხვა საერთაშორისო კომპანიებთან და ქართული პროდუქციის ექპორტი განახორციელა ევროპის ქვეყნებში, კერძოდ საფრანგეთში, იტალიაში, ლუქსემბურგსა და გერმანიაში.

„ორი წელია, სააგენტოს „აწარმოე საქართველოში" ხელშეწყობით, „სპილოუ" მონაწილეობს საბავშვო ტანსაცმლის საერთაშორისო გამოფენებში. ბიზნესკავშირები უცხოელ შემსყიდველებთან პირველივე წასვლაზე დავამყარეთ, რის შემდეგაც ყოველწლიურად იზრდება ექსპორტის ქვეყნების რაოდენობა და შეკვეთების მოცულობა" - განაცხადა „სპილოუ"-ს დამფუძნებელმა, სოფო ჩხაიძემ.

სააგენტო „აწარმოე საქართველოში" სტრატეგიულ და პრიორიტეტულ ბაზრებზე B2B ტიპის გამოფენების ორგანიზებასა და საქართველოში არსებული სხვადასხვა სექტორის წარმომადგენელი კომპანიების თანადაფინანსებას ახორციელებს, ახალ პარტნიორებთან დაკავშირების და საექსპორტო ბაზრების დივერსიფიცირების მიზნით.

ავტორი: NS (სტატია დაფინანსებულია),

სოციალური ქსელები

ბოკუჩავა - დავრჩები პოლიტსაბჭოში რიგით წევრად

კირცხალია – ქალბატონების ჭიდილი უკვე ლამაზ სანახაობად გადაიქცა, ქალბატონი ნანას და ბრწყინვალე თინას ჭიდილი მიხეილ სააკაშვილის კარზე

რუმინეთის საგარეო - რუმინეთი საქართველოს სუვერენიტეტის, ტერიტორიული მთლიანობისა და მისი ევროკავშირისკენ გზის მიმართ სრულად ერთგული რჩება

კობახიძე - ჩვენ ვინარჩუნებთ ეკონომიკური ზრდის მაღალ ტემპს