თბილისში, სასტუმრო რადისონ ბლუ ივერიაში,  ყოველწლიური საერთაშორისო ფორუმი „StrategEast State and IT Eurasian Forum“ ჩატარდა. ფორუმი ორგანიზებული იყო აშშ-ში დაფუძნებული „StrategEast“ ცენტრის მიერ, რომელიც ყოველწლიურად თავს უყირის IT - საინფორმაციო ტექნოლოგიების განვითარებით დაინტერესებულ სუბიექტებს. გასულ წელს ფორუმი უკრაინაში გაიმართა, ხოლო წელს ამ საერთაშორისო ღონისძიებას საქართველოს დედაქალაქმა უმასპინძლა.

ფორუმმა თავი მოუყარა IT ინდუსტრიის ლიდერებს, მაღალი რანგის ამერიკელ, ევროპელ და რეგიონის ოფიციალურ პირებს, საერთაშორისო საფინასო ინსტიტუტებს,  „Think Tank“-ებს, სამოქალაქო საზოგადოების წარმომადგენლებსა და გლობალურ ტექ-ანტერპრენერებს.

COVID-19 პანდემიის შეზღუდვებიდან გამომდინარე, ფორუმი გაიმართა უჩვეულო - ონლაინ და ოფლაინ ფორმატებით. მონაწილეთა ერთმა ნაწილმა ისაუბრა სასტუმრო რადისონ ბლუ ივერიის დარბაზიდან, ხოლო მეორე ნაწილი, ვინც საქართველოში არ იმყოფებოდა, ღონისძიებას ონლაინ კონფერენციის ფორმატით შეუერთდა. ღონისძიების პირდაპირმა ეთერმა საშუალება მისცა თემით დაინტერესებულ აუდიტორიას ონლაინ ედევნებინა თვალი ფორუმის მსვლელობას.

ფორუმის მთავარი მომხსენებელი იყო პროფესორი ბეატა ჯავორიკი (Prof. Beata Javorcik) - ევროპის რეკონსტრუქციისა და განვითარების ბანკის მთავარი ეკონომისტი.

StrategEast State and IT Eurasian Forum - ის  პლენარულ და პანელურ სესიებზე განხილული იყო შემდეგი თემები:

• შრომის ბაზრის ტექნოლოგიური მომავალი;
• საჯარო სერვისების ციფრული ტრანსფორმაცია;
• ციფრული მდგრადობა;  
• ტექნოლოგიური განათლება;
• მცირე და საშუალო ბიზნესის გაციფრულება;
• ხელოვნური ინტელექტი;
• IT ინდუსტრია საქართველოში;
• სტარტაპები;
• ცენტრალური აზია, როგორც ახალი IT ჰაბი;
• გლობალური განვითარების სააგენტოების როლი IT ინდუსტრიაში.

წელს ფორუმის წამყვან თემად შეირჩა "ტექნოლოგია, როგორც წამალი" - ფორუმის მონაწილეებმა IT ინდუსტრია განიხილეს, როგორც ისეთი გლობალური კრიზისების მოგვარების მნიშვნელოვანი ინსტრუმენტი, როგორიცაა COVID-19- ის პანდემიით გამოწვეული კრიზისი.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს