მსოფლიო პანდემიის პერიოდში მის მიერ გადადგმული ნაბიჯები და  ქმედებები იყო ზომიერი, რომლებმაც საქართველო ჩამოაყალიბა ტურიზმის მიმართულებით ერთ-ერთ უსაფრთხო დანიშნულების ქვეყნად. „ეს ღონისძიება ჩვენი, როგორც ტურისტულად უსაფრთხო ქვეყნის, კიდევ ერთი აღიარებაა. ეს არის ასევე მხარდაჭერა, რომელიც გამოიხატა კონკრეტულად მსოფლიო ტურიზმის ორგანიზაციის (UNWTO) აღმასრულებელი საბჭოს მიერ მიღებული დეკლარაციით, სადაც საქართველოზე  პირდაპირაა აღნიშნული, რომ მსოფლიო პანდემიის პერიოდში მის მიერ გადადგმული ნაბიჯები და  ქმედებები იყო ზომიერი, რომლებმაც საქართველო ჩამოაყალიბა ტურიზმის მიმართულებით ერთ-ერთ უსაფრთხო დანიშნულების ქვეყნად", - განაცხადა ეკონომიკისა და მდგრადი განვითარების მინისტრის მოადგილე გენადი არველაძემ ტელეკომპანია „იმედში"  თბილისში მიმდინარე გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 112-ე სხდომის მნიშვნელობაზე საუბრისას.

გენადი არველაძის განცხადებით, ღონისძიება მნიშვნელოვან წვლილს შეიტანს საქართველოს, როგორც მსოფლიო ტურიზმის მიმართულებით უსაფრთხო ქვეყნის იმიჯის განმტკიცების თვალსაზრისით.

ეკონომიკის მინისტრის მოადგილემ ასევე ყურადღება გაამახვილა სხდომაზე განხილულ მნიშვნელოვან საკითხებზე, მათ შორის სამოქმედო გეგმაზე, თუ თუ როგორ უნდა განახორციელონ და დანერგონ ქვეყნებმა ის სტანდარტები, რომლებიც უზრუნველყოფს მათ უსაფრთხო ქვეყნებად ჩამოყალიბებას.

გენადი არველაძის განცხადებით, ძალიან მნიშვნელოვანია, რომ საქართველოში ღონისძიების აბსოლუტურად ყველა მონაწილის ჩამოსვლა ყველა წესის დაცვით განხორციელდა. მათ  ჩაუტარდათ PCR ტესტები და ქვეყანაში შემოვიდნენ მსოფლიო ჯანდაცვის ორგანიზაციის გაიდლაინების შესაბამისად, რომლებიც ჩვენს ქვეყანაში ასევეა დანერგილი. „ძალიან მნიშვნელოვანია, რასაც აღნიშნავდნენ ასევე თავად სტუმრები - რომ ისინი თავს უსაფრთხოდ გრძნობენ და საქართველო ნამდვილად იმსახურებს ამ კუთხით აღიარებას", - აღნიშნა მან.

გენადი არველაძის ინფორმაციით, ღონისძიების მეორე დღე დაეთმობა ბიზნესფორუმს - ღონისძიების ფარგლებში საქართველოს სტუმრობს ბიზნესდელეგაციაც სხვადასხვა ტურისტული ინდუსტრიის, სასტუმროების მიმართულებით. ქართული ბიზნესის წარმომადგენლებს ურთიერთობების დამყარების შესაძლებლობა მიეცემათ. „ეს არის პანდემიის შემდეგ პირველი ბიზნესფორუმი, რომელზეც ვიმსჯელებთ იმ შესაძლებლობებზე, რომელთაც ქვეყანა ბიზნესსექტორს, ამ ინდუსტრიას სთავაზობს სხვადასხვა მიმართულებით", - განაცხადა მან.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს