შინაგან საქმეთა სამინისტროს საზოგადოებრივი უსაფრთხოების მართვის ცენტრ - „112"-დან შემოვიდა ინფორმაცია, რომ თბილისში, კოტე აფხაზის ქუჩაზე მდებარე საოჯახო ტიპის სასტუმროში გაჩნდა ხანძარი.

ამის შესახებ ინფორმაციას შინაგან საქმეთა სამინისტროს საგანგებო სიტუაციების მართვის სამსახური ავრცელებს.

უწყების ცნობით, ხანძრის შედეგად არავინ დაშავებულა.

„შეტყობინების მიღებიდან რამდენიმე წუთში ადგილზე მოხდა 11 სახანძრო-სამაშველო ჯგუფის, ხანძარსაწინააღმდეგო ტექნიკის, საპატრულო და კრიმინალური პოლიციის ეკიპაჟების მობილიზება.

ცეცხლი სამსართულიანი შენობის სასხვენო გადახურვას და მანსარდში განთავსებულ ოთახებს ეკიდა. ხანძარი, ასევე, შეინიშნებოდა შენობის სარდაფშიც, სადაც სამშენებლო ნარჩენები იყო მოთავსებული.

ადგილზე მისვლისთანავე, დათვალიერდა შენობა და მიღებულ იქნა უსაფრთხოების ყველა ზომა. ხანძრის ლიკვიდირება 60-მდე მეხანძრე-მაშველმა უმოკლეს დროში შეძლო. პრევენციისა და ნახანძრალი ტერიტორიის შემდგომი დაკვირვების მიზნით, ადგილზე კვლავ რჩება მეხანძრე-მაშველთა 1 ჯგუფი.

მომხდარის შედეგად არავინ დაშავებულა.

შინაგან საქმეთა სამინისტრომ ხანძრის გამომწვევი მიზეზის დასადგენად გამოძიება საქართველოს სსკ-ის 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს“, - ნათქვამია უწყების განცხადებაში.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს