პარლამენტში, რეგიონული პოლიტიკსა და თვითმმართველობის კომიტეტის სხდომაზე, კომიტეტის თავმჯდომარე ზაზა გაბუნია და „ნაციონალური მოძრაობის“ ლიდერი ნიკა მელია ერთმანეთს სიტყვიერად დაუპირისპირდნენ.

დაპირისპირება გაბუნიას განცხადებას მოჰყვა, რომელმაც ბორჯომის საკრებულოში განვითარებული მოვლენების შეფასებისას აღნიშნა, რომ ადგილზე ვითარების ესკალაცია ნიკა მელიასა და სერგო რატიანის ჩასვლამ გამოიწვია.

„ბატონო ნიკა, გუშინდელ დღეს ბორჯომში, მოვლენების ესკალაციას საფუძველი დაუდო თქვენმა და სერგო რატიანის ჩასვლამ და იქ საკითხისთვის პოლიტიკური ხასიათის მიცემამ“, - მიმართა გაბუნიამ მელიას.

აღნიშნულმა „ნაციონალური მოძრაობის“ დეპუტატის გაღიზიანება გამოიწვია. მელიამ გაბუნიას უნამუსო უწოდა.

„პირდაპირ გეტყვი, რომ უნამუსო ხარ. ამას რომ ამბობ, ხარ უნამუსო. იცი რატომ ? დღის 12:00 საათზე უმაწყალოდ იყო ნაცემი ლებორისტული პარტიის წევრი და ხმა არ ამოგიღიათ. მას შემდეგ რაც ცემეს დეპუტატი და ტყვეობაში აიყვანეს, ამის შემდეგ ჩავედი საღამოს 6 საათზე.  დეპუტატები რომ არ ჩავსულიყავით, სისხლიც დაიღვრებოდა“, - განაცხადა ნიკა მელიამ.

ავტორი: ,

სოციალური ქსელები

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა

ბრიტანეთში 28 წლის მამაკაცი დააკავეს, რომელიც მთავრობის და პარლამენტის ყოფილი წევრის, ენ ვიდეკომბის მკვლელობაშია ეჭვმიტანილი

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა