მამა გიორგი მამალაძის სახაზინო ადვოკატის პაატა მეხრიშვილის განცხადებით, ამ დრომდე მათი გამოკითხვის პროცედურა ნებაყოფლობითი იყო, ახლა კი, უფრო რთული პროცესი იწყება.

კერძოდ, მეხრიშვილის განმარტებით, პროკურატურამ ახლა შესაძლოა, სასამართლოს მიმართოს და ადვოკატების მაგისტრი მოსამართლეების წინაშე დაკითხვა მოითხოვოს.

მეხრიშვილი იმედოვნებს, რომ პროკურატურა მათი დაკითხვის თაობაზე გადაწყვეტილებას არ მიიღებს, წინააღმდეგ შემთხვევაში კი, ასევე იმედი აქვს, რომ მართლმსაჯულება არ დაუშვებს, მოწმის სახით მიიწვიოს ადვოკატები სასამართლოში.

„ჩვენ გვავალდებულებს კანონი, არ გავთქვათ კონფიდენციალური ინფორმაცია. იმედია, პროკურატურა არ მიიღებს გადაწყვეტილებას ჩვენი დაკითხვის თაობაზე და თუ ასე არ მოხდა, იმედი მაქვს, მართლმსაჯულება არ დაუშვებს, მოწმის სახით მიგვიწვიოს სასამართლოში დასაკითხად. დიდი იმედი მაქვს პროკურატურის და ყველაზე დიდი იმედი მაქვს სასამართლოსი, რომ არ მიიღებს  გადაწყვეტილებას დაკითხვის თაობაზე“,-განაცხადა მეხრიშვილმა.

შეგახსენებთ, პროკურატურამ,   მსჯავრდებულ გიორგი მამალაძის სისხლის სამართლის საქმესთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით, გამოძიება დაიწყო.

„ბოლო პერიოდში სხვადასხვა მედია-საშუალებებში არაერთხელ გავრცელდა მსჯავრდებულ გიორგი მამალაძის სისხლის სამართლის საქმის მასალები. აღნიშნულთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით დაწყებულია გამოძიება. საქმეზე გამოძიებას აწარმოებს საქართველოს პროკურატურა“,-აღნიშნავენ მთავარ პროკურატურაში.

ავტორი: ,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა