„ადმინისტრაციული პროცესის ღიაობა არ ნიშნავს, რომ მთელი ქალაქი შეიძლება მივიდეს ერთგან მითუმეტეს, როცა მათი მიზანია, დებოშის მოწყობა და პროცესის ჩაშლა“,-ასე გამოეხმაურა ლტოლვილთა და განსახლების მინისტრი  სოზარ სუბარი გუშინ თბილისის საკრებულოსთან განვითარებულ მოვლენებს.

მისივე თქმით, საკრებულოს სხდომა დახურული არ ყოფილა. სუბარის შეფასებით, პოლიტიკოსები,  თუ მათი მხარდამჭერები, რომელთა მიზანია, პროცესი ჩაშალონ და  დებოში მოაწყონ,  კანონის  შესაბამის ჩარჩოებში უნდა მოექცნენ:

„ზოგადად, საკრებულოს სხდომა იყო ღია, ყველას ჰქონდა ნახვის საშუალება იმის, რაც იქ ხდებოდა, იქ ესწრებოდნენ ჟურნალისტები, იქ იყვნენ საზოგადოების წარმომადგენლები, სახალხო დამცველის წარმომადგენლები. ასე რომ, პროცესის ღიაობაზე ეჭვს ვერავინ შეიტანს.

პოლიტიკოსები,  თუ მათი მხარდამჭერები, რომელთა მიზანია, რომ პროცესი ჩაშალონ და მოაწყონ დებოში, ბუნებრივია,  კანონის  შესაბამის ჩარჩოებში უნდა მოექცნენ და ძალიან დიდი მადლობა მინდა ვუთხრა პოლიციას, რომელმაც ეს უზრუნველყო, მაგრამ განსაკუთრებით ცინიკურია განცხადებები პოლიტიკოსების, რომლებიც ამბობენ, რომ როდის ყოფილა,   როდესმე პოლიტიკოსის პოლიტიკურ პროცესში დაკავება მომხდარიყო, გუშინ დაკავება იყოს კანონის ფარგლებში, თუმცა კარგად გვახსოვს, რა ხდებოდა 2012 წელს და მანამდეც, როცა ჯარიც კი გამოიყვანეს მშვიდობიანი მოქალაქეების დასაკავებლად. ასეთი იყო მაგალითად, მესტიაში, როდესაც „ქართული ოცნების“ შტაბის ხელმძღვანელის კახა ჟორჟოლიანის დაკავება ვერ მოახერხა პოლიციამ, გამოიყვანეს მის დასაკავებლად საქართველოს შეიარაღებული ჯარები, რომელთა დანიშნულებაა საქართველოს ტერიტორიული მთლიანობის დაცვა და სახელმწიფოებრივი ინტერესების დაცვა, სრულიად სხვა სფეროში და ეს არასდროს განმეორდება, ეს კარგად დაინახა საზოგადოებამ.  ამას კიდევ ერთხელ დავანახებთ ჩვენს საზოგადოებას და ოპონენტებს  არჩევნებში, დავანახებთ კიდევ ერთხელ, ვის აქვს ნდობა“,-აღნიშნა  სოზარ სუბარმა.

ავტორი: ,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა